Ogier de la Malicière, ayant acheté sur le fief de l'abbé de Saint-Florent une terre qu'il perdit ensuite pour avoir usurpé une autre terre de Saint-Florent, obtint par prière de conserver ce fief en le tenant de l'abbaye et une borderie pour son petit-fils Hervé.

l.1 [croix] Noverint prȩsentes et successuri quod Ogerius de Maloascendere ȩmit terram in fevum de abbate
l.2 Sancti FLORENTII, sed postea forisfecit eam eo quod aliam terram ejusdem sancti usurpavit atque ad suum
l.3 fevum vertit. Qui cum de hac re appellatus fuisset voluit se per legem judicii defendere, sed
l.4 conscius forisfacti non ausus est eam perficere. Unde ad preces conversus coepit rogare abbatem
l.5 et monachos ut in vita sua ac uxoris suae, ambo enim senes ac sine haerede erant, praedictum
l.6 fevum eis tenere concederent, ne ad nimiam paupertatem devenirent. Cujus precibus abba taliter
l.7 annuit ut in capitulum venirent ibique ipsum fevum Sancto Florentio ejusque monachis solutum et quietum
l.8 post obitum suum et uxoris suae clamare nullusque ex eorum progenie reclamandi eum facultatem
l.9 haberet. Ipsis autem sine servitio quod propter eum facerent, tantum in vita sua tenere concederetur.
l.10 Petivit etiam ut cuidam nepoti suo Herveo nomine filio scilicet filiae suae privignȩ bordariam
l.11 terrae ipsius fevi, quam matri ejus in matrimonium dederat in vita sua habere permitterent quod
l.12 etiam abbas concessit nisi forte eam forisfacceret. Haec igitur ita completa sunt videntibus
l.13 atque testantibus his qui subscripti sunt, Rainaldus Bodinus, Gauterius Bili,
l.14 Rozbertus presbiter de Cantosciaco. De monachis, Albaldus, Tezbaldus. (devise illisible)