Renaud III, évêque d' Angers, fait connaître le réglement de la querelle élevée entre les moines de Saint-Florent et lui au sujet de l'église de Chantocé que possédaient les religieux par concession de l'évêque d' Angers précédent, Geoffroi de Tours.

l.1 Quicquid oblivionis noxiȩ caliginosis nebulis involvi non volumus, litterali memoriȩ commendare sata-
l.2-gamus, ut per litterarum dinotationem posterorum nostrorum noticiȩ transfusum, memorabilius teneatur firmiusque
l.3 credatur. Quapropter ego RAGINALDUS Dei gratia Andegavensis episcopus per presentis cartȩ firmitatem notum fore
l.4 volo omnibus tam futuris quam presentibus qualiter sopita est querela quȩ erat inter nos et monachos Sancti Florencii de ȩcclesia
l.5 de Cantosciaco quam monachi possidebant concessione predecessoris nostri GAUFRIDI de Turonis Andecavensis episcopi sicut
l.6 preferebant. Sed quoniam plenaria munimenta de concessione archidiaconi, et capituli Sancti MAURICII non habebant,
l.7 quod de concessione illius ȩcclesiȩ habere videbantur, irritum factum est. Coeterum nos fratres nostros monachos Sancti Florentii
l.8 venerabiles ac religiosos viros caritatis nexibus amplectentes, ad talem concordiam cum eis condescendimus.
l.9 In ȩcclesia siquidem illa concessimus eisdem monachis ut per eorum electionem et nostram concessionem sicut consuetudo et justum est
l.10 presbiter prius nobis presentatus substituatur. Concessimus etiam ut habeant ipsi monachi sepulturam totam, et duas
l.11 partes primiciarum, et duas partes offerendȩ istarum festivitatum, scilicet natalis Domini, et sanctȩ Mariȩ quȩ est in secundo die
l.12 februarii, et sancti Paschȩ, et beatorum apostolorum Petri et Pauli, et sancti Petri in kalendis augusti, et festivitatis Omnium sanctorum.
l.13 Cetera vero omnia quȩcumque sint ad ȩcclesiam pertinentia, erunt presbiteri omnino quieta. Constituimus preterea et confirmavimus, ut singulis
l.14 annis in festo sancti MAURICII reddat ȩcclesia illa censualiter episcopo Andegavensi X solidos et presbiter reddat medietatem illorum X solidos
l.15 et monachi alteram medietatem. Similiter et sinodum et circadam reddent per medium et presbiter et monachi, presbiter medie-
l.16-tatem, et monachi medietatem. Hanc itaque constitutionem et confirmationem nostram ratam et inviolabilem esse volumus
l.17 et personarum ȩcclesiȩ nostrȩ nobiscum de more presentium debita auctoritate corroborari facimus, et perpetua stabilitate
l.18 inconvulsam permanere precipimus.
l.19 Actum Andegavis in inferiori camera Rainaldi episcopi, anno Domini MCXIII, indictione VI, epacta I, IIII nonas decembris,
l.20 Hlugdovico rege Francorum, Fulcone adolescente comite Andegavense, Raginaldo episcopo Andegavȩ sedis, presentibus his
l.21 quorum nomina notat subjecta descriptio, Rainaldus Andegavensis episcopus, Guilelmus decanus et archidiaconus Transligerensis, Goffridus thesaurarius, Hubertus archidiaconus,
l.22 Stephanus archidiaconus Transmeduanensis, Albericus capellanus, Ricardus de Valle, Gedeon, Guilelmus Musca, Goffridus de Ingreia.
l.23 De parte monachorum, Guilelmus abbas Sancti Florentii, et isti monachi, Mauricius, Acardus, Barbotinus, David, Hugo,
l.24 Donatus, Gaufridus de Languan, Hamelinus. Item recitatum in superiori camera ejusdem episcopi, ubi etiam isti affuerunt presentes,
l.25 Gaufridus thesaurarius, Hylgerius magister scolarum, Goffridus archipresbiter, Johannes presbiter de Pontibus, Raginaldus marescallus, Lanbertus
l.26 vendarius, in presentia Rainaldi episcopi. IHS XPS PAX.