Amat, évêque d' Oloron, notifie la solution du différend, réglé par ses soins à Saintes, entre les moines de Saint-Florent et de Saint-Nicolas à propos de l'église de Chantocé, qui est attribuée à Saint-Florent.

l.1 IN NOMINE SUMMAE ET INDIVIDUAE TRINITATIS. Ego Amatus Ellorensis episcopus domni papȩ GREGORII septimi gratia dei vicarius, posteris nostris
l.2 notum fieri volo, dissensionem ortam inter monachos Sancti FLORENTII et monachos Sancti Nicholai Deo auxiliante apud Santonas me ita
l.3 diffinisse. Facta igitur in communi audientia concilii ibidem congregati proclamatione monachorum Sancti Florentii super Sancti Nicholai
l.4 monachis de quadam ecclesia in Andecavensi territorio apud Cantoceiacum castrum videlicet sita, atque utriusque partis ratione
l.5 diligenter considerata et diu ventilata, tandem confratrum nostrorum archiepiscoporum et coepiscoporum abbatumque judicio statui
l.6 quatinus supradictam ecclesiam absque ulla inquietudine monachorum Sancti Nicholai amodo [Sanct]i F[lore]ntii monachi habeant
l.7 et pacifice teneant. Istud vero ita deinceps tenendum et observandum Sancti Nicholai abbati et monachis ipsius censuimus,
l.8 quod et ipse abbas manu sua in manu mea missa, sic se perhenniter servaturum promisit. Et ut haec institutio nostra incon-
l.9-vulsam obtineat firmitatem, manu propria firmavi, et sigilli mei impressione firmatam corroboravi. Si quis vero aut abbas
l.10 iste prefatus, aut monachi ejus, aut successores illius huic nostrȩ sanctioni aliquo ingenio obviare temptaverit, procul
l.11 dubio sciat Romanae ecclesiȩ auctoritatem sese infregisse, et ad periculum sui ordinis sese fecisse.
l.12 Cujus rei judices hic sunt subnotati, videlicet Joscelinus Burdegalensis archiepiscopus, Guillelmus Ausiensis archiepiscopus,
l.13 Otgerius Cumengensis episcopus, Benedictus Nannetensis episcopus, Simon Agennensis episcopus, Ramnulfus Santonensis episcopus,
l.14 Oddo abbas Angeriacensis, Guido abbas Novi Monasterii, Rainaldus abbas Sancti Cypriani, abbas Malleacensis, abbas Sancti
l.15 Savini, abbas Luciacensis, abbas Sancti Michaelis, abbas Burguliensis, abbas Redonensis,
l.16 abbas Cormariacensis cum pluribus aliis monachis et clericis. Huicque judicio assensum totum prebuit concilium.
l.17 Actum apud Santonas in plenario concilio, anno ab incarnatione Domini MLXXXIIII, indictione VII, mense octobri, VI feria, Philippo
l.18 Francorum rege, Widone Aquitanorum duce, GREGORIO VII papa, Willelmo abbate Sancti FLORENTII.