Guillaume, fils de Gautier de Montsoreau, fait accord avec les moines de Saint-Florent sur leurs droits d'usage dans la forêt d' Allonnes et leur concède notamment le pacage pour mille-quatre-cent porcs et la présence de vingt hôtes.

l.1 IN NOMINE DOMINI NOSTRI JHESU CHRISTI EGO WILLELMUS FILIUS WALTERII DE MONTE SORELLO
l.2 litteris quibus aliquod non aequatur transitorium quo veratius ac tempore l[on]gius innotescant
l.3 facta praeterita, notum fieri volui heredibus sive successoribus meis et omnibus quorum inter est hujus
l.4 modi scire, concordiam subscriptam, quam feci cum monachis beatissimi Flo[re]ntii, contestans eos
l.5 per ipsum judicem futurum bonorum omnium et malorum ne eam violent et quantum in ipsis erit
l.6 violari permittant. Est silva quae dicitur Boscus Sancti Johannis juxta Alumnam, in qua terra
l.7 quae est aut erit arboribus vacua et complanata juris est absque calumnia prefatȩ congregationis.
l.8 Ipsi eam et sui homines de Alumna ad omnem necessitatem suam excepta venditione nullo calum-
l.9-niante excidunt. De pastione vero habent in ea monachi nullo contradicente ad Ctum porcos.
l.10 Et similiter ad eosdem porcos ut dicunt et suorum quidam confirmant, [sed] mei diffirmant, in silva
l.11 meae proprietatis quae vocatur Lavendas sive Boscus de Montibus. Dicebant autem quod majoris eorum de Alumna porci ceu
l.12 eorum centum, ea et jure et consuetudine usque ad meum tempus absque prȩcessorum meorum querela
l.13 usi essent. Quod me contradicente hoc factum esse non eorum sed patris mei beneficio, judicio ignis
l.14 aut calidissimȩ aquae se vera fateri volebant, ego vero monomachiȩ. Illi alterius sive utro-
l.15-rumque homicidium expaventes, non consenserunt. Habebant etiam sex hospites in predicta silva,
l.16 quos non debere ibi hospitari nisi per me testabar. Ipsi autem econtra offirmabant testibus et antiqua
l.17 consuetudine non tantum sex, verum quot vellent ibi suo tantum assensu posse habitacula jure
l.18 construere, et de silva necessitatem propriam intercepta venditione supplere. Quid plura ?
l.19 Recordatus tremendi judicii et iniquitatis propriȩ parentumque meorum,
l.20 volui ut augmentum per me bonorum suorum potius quam detrimentum sentirent. Ergo ut ipsi exorarent
l.21 misericordiam domini pro parentum meorum ac mea meorumque germanorum, et etiam uxoris meȩ atque filiorum seu heredum salute sociique et participes
l.22 efficeremur omnium benefactorum suorum, concessi eis quadraginta porcorum prȩter centum suorum
l.23 pastionem non tantum in suo, sed et in meo bosco uti quondam se habuisse dicebant. De hospi-
l.24-tibus vero XXti absque ulla calumnia si tot invenirent extraneos ruricolas non scilicet terrȩ meȩ incolas, permisi in silva sua habitare
l.25 eo tantum tenore ut non extirpent eam nisi quantum sufficiat mansioni suȩ verum circa se colant longius accipientes
l.26 per diversa loca quae sibi ligna fuerint necessaria et insuper Deo et ipsis promisi quod contentus essem vicariȩ
l.27 quam habebam ab Andegavensi comite. Ad hȩc de sua quavis re quam non dico
l.28 ducerent ad vendendum sed adducerent ad monasterium sive ad cellas suas vel ad oboedientias non negotiationis sed
l.29 utendi nomine per terram nichil pulveratici me accepturum neque per aquam duarum partium telonei, nam terciam fecit et observavit.
l.30 Aimericus miles a me habebat in beneficium, salvatori Christo devovi. Si vero predictus miles aut heres illius idem mihi complere voluerit, e multum congaudens annuo. Igitur non solum deprecor posteros meos ut haec conservent,
l.31 sicut praescriptum est, quatenus secundum Dei legem viventium coadjutores et
l.32 premii consortes judicentur, verum anathema quibusque non observantibus dico, nam
l.33 illos eandem Judae elemosynarum ablatori poenam in profundo Tartari passuros
l.34 fore non dubito.
l.35 Signum meum pro firmitate harum litterarum, crucis Christi est signum.