Eudes, clerc, et ses frères prétendaient avoir droit d' héritage sur la cure d' Allonnes. Déboutés en plaid, ils recourrent à la violence et sont excommuniés. Finalement repentants, ils viennent à Ramefort et abandonnent leurs prétentions devant l'évêque de Tours, Geoffroi, qui concède à Eudes exclusivement la desservance de la cure.

l.1 Sanctȩ Dei ecclesiȩ honestati et utilitati studentes, et in posterum providen-
l.2-tes, omnibus presentibus et futuris notum fieri curavimus qualiter controver-
l.3-sia calumnia, injuria super presbiteratu ecclesiae de Alonna Sancti Florentii
l.4 monachis illata, Deo annuente sit definita, et adnichilata. Igitur
l.5 Odo clericus quidam, et fratres ejus Aimericus, Fulcherius, Alo supradictȩ ecclesiae
l.6 parochiani presbiteratum ipsius parentali et hereditario jurȩ appe-
l.7-tentes, insurrexerunt in monachos, et per se et per amicos multotiens priva-
l.8-tim et in sinodis inde proclamationem fecerunt episcopo. Unde tandem ad placitum in
l.9 presentia episcopi Andecavis venientes, diversa diversi proposuerunt, alii scilicet quod
l.10 hereditario jure qui ex sua progenie essent presbiteri deberent habere a mona-
l.11-chis presbiteratum, alii quod ita jure hereditario sive presbiteri sive laici essent
l.12 omnes habere deberent, ut antecessores sui a sua progeniȩ et non a monachis
l.13 semper habuerant. Quam partem potiorem et valentiorem sibi adprobandum arbitra-
l.14-ntes, Deo consilium ipsorum infatuante, spoponderunt se talem habituros qui probaret
l.15 prout recte judicaretur, se vidisse et audisse quod Vivianus archipresbiter cognatus
l.16 ipsorum cum abbate et monachis Sancti Florentii de presbiteratu ejusdem ecclesiȩ placi-
l.17-tavit, et ita disserendo sui esse juris comprobavit, quatenus per suam progeniem presbiteratum
l.18 habuerit et non a monachis. Qua de re datis indutiis termino constituto
l.19 adductus est Frotmundus Sancti Martini Condatensis ecclesiȩ capicerius asseverans se
l.20 vidente supradictum Vivianum abbatem et monachos Sancti Florentii adisse,
l.21 et presbiteratum predictȩ ecclesiȩ quesisse, et ab abbate et monachis sibi ut suo ipsorum
l.22 ad deserviendum concessum fuisse. Cujus testimonio valde confusi qui eum addu-
l.23-[x]erant, ad alteram partem voluerunt reverti quam post posuerant, sed et hoc
l.24 [..]dem sanctorum patrum canonibus est sanccitum ne umquam aliquis hereditate possi-
l.25-deat Dei sanctuarium. Quapropter illi utrobique repulsi, justiciȩ non acquiescentes, ar-
l.26-ma furoris arripientes, ecclesiam infringentes, presbiterum ad celebranda mis-
l.27-sam paratum ante altare occidere voluerint, et ab ecclesia expulerunt, signorum
l.28 cordas amputaverunt, et pejora se facturos minati sunt. Quod audiens episcopus ecclesiam
l.29 adiit et reconciliavit, et ibidem audiente tota parochia eosdem sacrilegos et ad-
l.30-jutores ipsorum anathematizavit. Quod illi patrocinio Galterii de Monte Sorello
l.31 confisi fere per dimidium annum perpessi sunt. Tandem vero Deo operante resipiscentes, ad
l.32 Gausfridum episcopum apud Ramum Fortem venerunt, et presente abbate et monachis prostra-
l.33-verunt se nudi pedes ad pedes episcopi pro excommunicatione et illata injuria satis-
l.34-facientes, et cum cultello Mauricii cellararii Sancti Florentii monachi in manu
l.35 episcopi ipse Odo et fratres sui presbiteratum predictȩ ecclesiȩ solidum et quietum Deo et Sancto Florentio
l.36 in perpetuum habendum dimiserunt, et ita absolutionem adepti sunt. Gauterius vero
l.37 et alii probi viri qui aderant apud episcopum et abbatem misericorditer obtinuerunt quatenus
l.38 predicto Odoni quia bonus clericus erat si vellet effici presbiter sibi soli ex tota
l.39 progenie ad deserviendum per semetipsum presbiteratus concederetur.
l.40 Hoc actum est apud Ramum Fortem in apendicio inter capellam
l.41 et majorem domum sito, in XLma in qua Pictavensis Petrus consecra-
l.42-tus est in episcopum Pictavensium. Hoc actum est inquam videntibus et
l.43 audientibus de monachis, Fulcone de Fontenella, Mauricio
l.44 cellarario, Ivano Redonensis comitis fratre, Algerio, Moise,
l.45 Radulfo, cognominato Malumminat. De clericis, Marbodo
l.46 archidiacono, Rainardo, Alberico, Widone, Radulfo Sancti
l.47 Mauricii canonicis, Willelmo Salmurensi archipresbitero,
l.48 Alberto Sancti Lamberti presbitero. De laicis, Gauterio de Monte Sorello,
l.49 Goffredo de Coloniis, Rotberto Warnerii filio, Galtero de
l.50 Alumna, Vitali preposito episcopi, Rainardo fratre suo, Galtero de
l.51 Ruinniaco, Warino Burgundione, Ernaldo de Sancto Alemando,
l.52 Borrello panetario, Bodino Sancti Florentii preposito, Petro
l.53 de Aritciaco, Galterio Haiȩ filio, Josleno Bloio, Widone
l.54 de Petranario, Iviano de Alumna, Girardo Meslardo,
l.55 Rainaldo de Ripa.