Renaud II, évêque d'Angers, à la suite d'un procès entre les religieux de Saint-Florent et ceux de Saint-Maur [de Glanfeuil], confirme le droit de Saint-Florent à certaine dîme.

l.1 IN DEI NOMINE Rainaldus gratia Dei ANDEGAVENSIUM PRESUL. Notum esse volumus omnibus fidelibus
l.2 sanctȩ Dei aecclesie curam gerentibus presentibus scilicet et futuris, precipueque successoribus nostris, quia orta est
l.3 grandis altercatio inter monachos Sancti FLORENTII, et Sancti MAURI, pro quadam decima, cujus medietas
l.4 aecclesie Sancti PETRI quȩ est in villa cui nomen est Manniacus, jure cedebat aecclesiastico. Quam medietatem
l.5 monachi Sancti MAURI, ad partem sui loci ad aecclesiam videlicet Sancti Victrini aufere moliebantur, a monachis
l.6 ipsis Sancti FLORENTII. Et in tantum ipsa increvit altercatio, ut monachi Sancti FLORENTII, testem proprium
l.7 in synodo examin[i] traderent. Qui gratia Dei liberatus coram cuncto synodo salvus apparuit.
l.8 Quibus placuit, ut monachorum Sancti FLORENTII proprium non invaderetur. Sed et si invasum esset resti-
l.9-tueretur. Sed monachi Sancti MAURI parvipendentes synodalem sententiam judiciique examen,
l.10 ea quȩ injuste appetierant, per vim detinere conati sunt, fiducia freti Vuidonis episcopi. Porro Rotbertus
l.11 abbas monasterii Sancti FLORENTII ejusque loci fratres sepius serenitatem culminis nostri adeuntes, nostrum
l.12 super hoc sepissime expetierunt adjutorium. Sed repugnabant monachi Sancti MAURI
l.13 dicentes, non justum fuisse judicium a predecessoribus eorum factum. Quos ipsa
l.14 revicit synodus plurimis hoc se vidisse attestantibus. Sed ad satisfaciendum illis,
l.15 ne quid nos contra ipsos injustȩ fecisse dicerent, uni ex adstantibus sacramenti eis
l.16 jusjurandum dare jussimus, quod ȩquum justumque judicium fuerit, quod predecessores
l.17 loci Sancti FLORENTII fecerunt et amplius ex hoc ab ipsis monachis Sancti FLORENT quicquam
l.18 non debere reposci. Quod jusjurandum coram universa datum est synodo.
l.19 Quod firmum perpetuo et inconvulsum esse volumus. Quod qui infringere
l.20 temptaverit, primo iram Dei incurrat, dehinc sententiam nostrae excommunica-
l.21-tionis sentiat.