Hugues Mange-Breton fait remise aux moines de Saint-Florent de la part de vicaria qu'il a eue sur leurs terres depuis que feu le comte Geoffroi Martel la lui a donnée, sauf la réserve des quatre cas.

l.1 IN NOMINE SALVATORIS NOSTRI DEI, EGO HUGO, MANDUCA BRITONEM
l.2 cognominatus, qui castrum Salmurense inhabito, quique terrarum, seu predi-
l.3-orum castro eidem adjacentium partem non minimam in dominium habeo,
l.4 ego certe peccatorum meorum conscius, et ad remissionem eorum Deo propiciante
l.5 sanctorumque suffragio interveniente pertingere desiderantissimus, amodo in reliquum
l.6 remitto, et in perpetuum habendam, sancto Florentio et ejus monachis concedo, exceptis IIIIor
l.7 forfactis, sanguine, rapto, incendio, furto, vicariam quam in eorum terris in castellaria Salmurensi
l.8 positis, a tempore gloriosȩ memoriae comitis Gaufridi, qui ob preclarȩ fortitu-
l.9-dinis insigne Martellus dictus est, ipso utique michi munifica sua liberalitate
l.10 tribuente, hactenus habui, et per administratorum meorum diligentiam quicquid
l.11 inde ex forisfacti cujuslibet districtione provenire debebat accepi.
l.12 Verum ut predixi, amodo in perpetuum sancto Florentio et ejus
l.13 monachis eam remitto, et remissionis hujus donum id est cultellum cum nigro manubrio,
l.14 quia ipse morbo prepeditus ferre non valeo Algerio et Odoni monachis feren-
l.15-dum et super altare sancti ponendum trado. De rebus autem monachorum non
l.16 tam venditionis causa, quam beneficii gratia decem libras accipio, qui contra calum-
l.17-nias perversorum, remissioni huic, valeant in testimonium. Dominus quoque meus comes
l.18 Fulco, conjuxque illius comitissa Aurengardis, quatinus predictȩ cessionis auctores,
l.19 testesque existant firmissimi, ab eisdem monachis accipiunt in premium, centum solidos
l.20 ille, illa vero quinquaginta. Gausleno quoque qui ejusdem vicariae procurator
l.21 meus fuit XXti quinque solidi tribuuntur a supradictis monachis. Acta sunt haec
l.22 apud Salmurum anno ab incarnatione Domini millesimo LXX quinto, mense januario,
l.23 feria quinta, die festivitatis sancte Agnetis virginis, quo die prenominatus comes Fulco
l.24 accepta in uxorem Aurengarde filia Isemberti de Castello Allione nuptias cele-
l.25-brabat quibus Andegavensium procerum multitudo, non minima aderat, qui cessionis
l.26 hujus testes existunt, scilicet Hugo clericus frater Algerii monachi, Gosfredus Bastardus,
l.27 Petrus de Distriaco, frater Stephani presbiteri, Ingelgerius de Convers, Arnaldus Wascus,
l.28 Aimericus frater Gemelini, Johannes de Valeia, Stephanus filius Huberti, Mainardus filius
l.29 Witburgis, Adalardus homo Johannis de Aiona, Bernerius camerarius domni Hugonis.