Le doyen et les chanoines du chapitre de Saint-Maurice d'Angers abandonnent l'église Notre-Dame du Petit Montrevault aux moines de l'abbaye Saint-Florent, qui s'engagent à verser, chaque année, au chapitre une rente de vingt sous et à laisser l'église Notre-Dame sous la dépendance de l'église-mère de Saint-Pierre Maulimart.

l.1 [chrisme] Quȩcumque oblivionis noxiȩ tenebrosa caligine involvi negligenter ac supprimi nolumus, litterali m[emor]iȩ summopere commendare studeamus,
l.2 ut a successoribus nostris memorabilius teneatur, firmiusque credatur. Litteralis quippe memoria idcirco sc[rib]itur, ut ea quȩ non possumus verbis
l.3 retinere, per litterarum dinotationem ad memoriam revocemus. Quapropter ego Ricardus decanus cum toto capitulo Sancti MAURICII Andecavensis notum
l.4 fore volumus omnibus tam futuris quam presentibus ad quorum noticiam pertinere videbitur, quam talis firmata est concordia inter nos canonicos
l.5 Sancti MAURICII et monacos Sancti Florentii, de ȩcclesia Sanctȩ Mariȩ minoris Montis Rebellis, in prȩsentia donni Rainaldi Andegavorum episcopi. Nos
l.6 siquidem canonici ex antiqua possessione habebamus et habemus ȩcclesiam Sancti Petri de Mellomartis, quȩ vicus est et mater ȩcclesia, cujus capella et
l.7 menbrum est ȩcclesia Sanctȩ Mariȩ quam prediximus, et in parrochia et subjectione ejus sita est atque fundata. Porro monachi ȩcclesiam quȩ antiqui juris
l.8 nostri est, sibi vindicare cupientes ex dono capellanorum ejusdem ȩcclesiȩ qui monachi eorum erant et concessione dominorum sibi jus nostrum cȩdere, et vindicare
l.9 irreverenter contendentes, prefatam ȩcclesiam injuste possidebant, non sine reclamatione tamen et calupnia n[o]stra. Unde tandem cum eis ad talem
l.10 concordiam condescendimus, et talem constitutionem cum eis firmavimus, quod singulis annis annuum censum in[de nobis] solvent in festo sancti MAU-
l.11-RICII scilicet XX sol. Andegavensis monetȩ, et nos sic predictam ȩcclesiam eis concessimus, sub tali c[onfirm]ata conditione, sicut capellam tamen, salvo
l.12 omnino jure matris ȩcclesiȩ nostrȩ de Mellomartis. Ut autem hȩc concessio et confirmatio [fir]ma et inviolabilis in perpetuum, et inconvulsa permaneat,
l.13 scripto commendantes, per prȩsentis cartȩ firmitatem corroborari constituimus. Actum et confirmatum Andegavi solempniter in capitulo Sancti MAURICII,
l.14 anno Domini MCVIIII, idus septembris, indictione II, epacta XVII, Hlugdovico rege Francorum, Fulcone juniore consule A[ndegaviae, prim]o anno consulatus ipsius,
l.15 Rainaldo episcopo Andegavensis sedis, ubi fuerunt isti presentes, de parte nostra, donnus Raginaldus episcopus, Ricardus decanus, Goffridus thesaurarius, Stephanus cantor,
l.16 Hubertus archidiaconus, Guilelmus archidiaconus, Guarnerius archidiaconus, Albericus capellanus, Hylgerius magister scolarum, Bernerius, Gedeon, Wilelmus Musca, Lisoius, Herbertus Bonet, Radulfus
l.17 capellanus, Gaufridus Salmuriensis, Hugo Salmuriensis, Guilelmus Camilliacensis, Wilelmus Potardus, Goslenus, Rotbertus et alii. De parte autem monacorum, donnus Guilelmus abbas, frater Donatus, frater Fulco de
l.18 Fontanellis, Unbaudus monachus, Acardus monachus, Mauricius monachus, Odo de Sancto Georgio monachus, de famulis, Benedictus camberlanus, Paganus marescallus. CYROGRAPHUM.