Guillaume Gais ayant donné aux moines de Saint-Florent établis à Montrevault l'emplacement d'un moulin et deux petits prés, les religieux par incurie en perdirent la propriété. La donation fut renouvelée par Raoul, fils d'Hugues.

l.1 [Ut d]icta vel facta precedentium ad posterorum cognitionem pervenire queant, noticiȩ litterali utile est
l.2 [ea commen]dare. Notificamus ergo presentibus et futuris, quod Guillelmus Gais dedit monachis Sancti FLORENTII
l.3 apud Montem Rebellem habitantibus locum molendini, sub eodem castello, et duo pratula quȩ noas vulgus
l.4 vocat. Huic dono interfuerunt, uxor ipsius Willelmi, Dometa, Ansterius presbiter, Hugo Buxellus,
l.5 Sarracenus filius Urvovii, Burchardus, et alii plures.
l.6 Succedente vero tempore, plurimis jam evolutis annis, pigricia vel negligentia monachorum qui censum
l.7 et talliatam reddere debuerunt et reddere neglexerunt, cum jam hoc predictum donum perditum
l.8 esset, tempore Johannis de Roca Fulcaldi qui tunc prioratum illius ecclesie tenebat ad concordiam venientes
l.9 predictus Johannes et Radulfus filius Hugonis qui censum illum querebat, astantibus filiis ejusdem Radul-
l.10-fi, Tetbaldo atque Hugone, et uxore sua Luoria, de jam nominato dono predictum Johannem cum
l.11 [li]bro revestivit, ut in posterum dominio monachorum permanentes censum octo denariorum
l.12 unoquoque anno habeat, et successores ejus. De hac concordia dedit ei predictus Johannes quinque
l.13 [so]lidos, et Tetbaldo filio suo XIIcim et Hugoni alio suo filio sex, et uxori ejus Livoriȩ sex.
l.14 [T]estes, Johannes prior, Goslenus monachus, Johannes presbiter, Burgundius Gasadenarium, Arnulfus Grossi filius Augerii,
l.15 Bonellus, Bernardus, famuli monachorum.