Renaud Vicarius, sa femme Witburgis et leur fils donnent à l'abbé Girard de Saint-Aubin la moitié de deux moulins à Souzay.

l.1 Ut scripturae testimonio res memoriae labefactatione dissolubilis vigeat, et convenientiae nodus stabilitati
l.2 concordiȩ adhereat, donum quod Raginaldus Vicarius conjuxque sua Widburgis, ac filius eorum Radulfus, sancto Albino
l.3 donaverunt, commendatum hoc scripto posteris relinquimus. Divino quippe ammoniti spiritu, capitulum nostrum intrave-
l.4-runt, ibique molendinorum duorum medietatem quȩ apud Solciacum sita sunt, in prȩsentia domni Girardi abbatis, totiusque
l.5 congregationis, Deo et sancto Albino donaverunt, ac donum super ejusdem confessoris altare posuerunt. Hoc tamen pacto ut
l.6 unum molendinorum, et aquae ductus clausuras, nos absque eis usque ad tres annos faciamus. Alterius vero medietatem
l.7 ipsis alteram medietatem facientibus preter baccum unum quod nos ibi novum ponemus, construamus. Comple-
l.8-tis autem tribus annis, sicut fructum dividemus, sic quisque suam medietatem faciemus. Cujus doni ut robusta
l.9 esset oblatio, ipsorum filius qui ob adolescentiam perversione quorundam hominum seductus repugnabat,
l.10 palefredum fratris nostri Achardi pro benedictione accepit, et voluntarium omnimodumque consensum prebuit.
l.11 Hujus rei, sunt testes hii, nomina quorum subtus asscripta sunt, Odo de Burgulio, Fulcherius, Rainaldus armiger
l.12 ejusdem Rainaldi, Gaufridus Rufus, Walterius de Laquil, Rainaldus Cothuns, Walterius Potinus, Girardus Harduini
l.13 filius, Girardus clericus, Aldulfus, et Warinus frater ejus, Haimericus Ridellus, Gaufridus Pulsatus, Rainaldus
l.14 de Treziaco, Radulfus Introignardus, Ernaldus Brionius, Albertus Roclaens, Fulcradus corvesarius, Hamelinus pistor,
l.15 Walt[eri]us Oisels, Constantinus carbonellus, Daniel carpentarius, Gaufridus Pirinis, et multi alii.
l.16 Signum Raginaldi [croix] vicarii. Signum Widburgis [croix] uxoris ejus. Signum Radulfi [croix] filii eorum. CYROGRAFUM.