Pancarte de la sentence par laquelle Foulques Réchin rejette la réclamation formée au nom de sa femme par Haimery le Sellier contre la convention qui avait attribué à Saint-Aubin le bourg de la Rive.

l.12 Postea vero, multis diebus transactis, quidam homo Haimericus nomine qui sellas faciebat, fecit calumpniam de eodem burgo Girardo abbati et monachis Sancti Albini. Cujus precibus et inportunitate victus Fulco comes,
l.13 abbatem supradictum et monachos coegit venire ad placitum de eodem burgo contra Haimmericum. Die itaque constituta in curiam comitis venerunt, in qua hujusmodi narrationem fecit Haimmericus, ipso comite presente cum suis
l.14 baronibus quorum nomina subscribentur: Ego burgum quem monachi habent reclamo per uxorem meam que est filia Wineberti cujus fuit burgus, sed propter paupertatem tradidit illum Haimerico in conguagio. Quem burgum
l.15 diu Haimericus possidens, quando ad mortem venit et monachus Sancti Albini devenit, inter cetera quȩ monachis dedit, dedit et ipsum. Mater vero uxoris meȩ, postquam hoc rescivit, in eodem anno
l.16 venit ad Aldulfum prepositum monachorum, et ad monachum quendam cui nomen erat Rainerius, qui de ipso burgo censum recipiebant, et inde calumpniam eis fecit. Ego vero per memetipsum abbati quem hic video multotiens
l.17 calumpniam intuli, et usque hodie eum ad rectitudinem habere non potui. Ad hȩc abbas respondit: Scio quia predecessor meus abba Ot. burgum de quo placitum est quietum tenuit. Sed post mortem ejus monachi Sancti Sergii mihi de burgo
l.18 calumpniam fecerunt et per vim Gaufridi nobilissimi Andecavorum presulis me in ipsius curia placitare coegerunt. In quo adversus eos bellum de burgo suscepi et feci, et partim per bellum partim per concordiam Sanctus Albinus burgum
l.19 solidum et quietum sibi vindicavit. Huic bello interfuit Haimericus cum uxore sua, quam a precedentibus annis duxerat, nec mihi quicquam calumpnie intulit ibi. Hoc vero quod iste dicit, Haimmerico fuisse burgum in conguadio traditum
l.20 nec eum habuisse per emptionem, falsissimum est, quia quando moriebatur monachis Sancti Albini precepit dicens: Adversus omnes qui dicere volent quod burgum non habuerim nisi per conguagium secure legem suscipite,
l.21 et securius facite, quia per emptionem burgum habeo, quem pro redemptione animȩ meȩ vobis moriens dono. His ab utraque parte dictis surrexit comes et qui cum eo erant ad faciendum juditium. Reversus autem
l.22 a juditio comes, ita locutus est: Calumpnia quam dixisti matrem uxoris tuȩ fecisse monacho supranominato et Aldulfo non est legalis, pro eo quod ipsi abbati et priori vel conventui facta non fuit. De te vero talis est
l.23 sententia: Si tu feminam per quam burgum clamas eo tempore habebas quando abbas Sancti Albini sicut dixit bellum et concordiam cum monachis Sancti Sergii fecit et tu jus tuum quod habebas in burgo tacuisti nec ibi calumpniam
l.24 fecisti, merito a recuperatione burgi alienus existis. Post hoc dictum comitis Haimericus tacuit. Habebat enim tunc eam feminam in uxorem, nec quid responderet habuit. Nomina virorum qui hujus cause judices
l.25 fuerunt, sunt ista, Fulco comes, Gaufridus filius ejus, Gaufridus Junior de Meduana, Rainaldus de Castello [Gun]terii, Hugo de Cantosciaco, Seibrannus de Passa[van]t, Albericus de Vieriis, Gosbertus de Porta,
l.26 Odo Forsanet, Fulco de Buion, Fulco de Grandi Fonte, Tetgrinus, Clarenbaudus, Seibrannus constabularius, Giraudus prepositus. Monachi contra quos placitum erat, Girardus abbas, Girardus prior, Hubertus
l.27 de Castello Gunterii, Albericus de Vernei, Petrus Curtus, Helinannus. De famulis monachorum, Aldulfus, Haimmarus, Hilarius, Rainaldus Grandis. De hominibus hujus ville, ipse Haimericus, et uxor ejus, et mater uxoris,
l.28 Archenulfus, Girardus viarius, Ingelbertus Porta [C]arnem, Garnocus, Walterius foristarius.