Auger et Valence, son épouse, ont donné aux moines de Notre-Dame de Cunault les colliberts Constantin et Gautier avec Altrudis leur mère, de l'assentiment du comte Geoffroi le Barbu et Foulques le Réchin, son frère.

l.1 Obnixe quorumdam auctoritate Algerius necnon et mea conjux nomine Valentia equiperantes videlicet Fulconis necnon et ejus filii Gosfridi, pretereaque
l.2 Hulgeri quorum donis possidemus adpresens, quecumque habere videmur hilares, voluntariȩ quosdam sanctȩ Mariȩ monachis colibertos tradidimus, haud juste eos reti-
l.3-nentes, quatinus unumquemque perutile est dum uti terrenis cernitur opibus salubriter pro animȩ suȩ suorumque parentum refrigerio, prout potuerit, laborare
l.4 fortiter, ut cum sanctis ȩterni arcem solii possidere mereatur pariter. Ergo suis servire assuentes imperiis, servos, vel ancillas, quicumque pro omnipotentis amore abire
l.5 liberos dimiserit a debitis servitiis, sibi ab eo procul dubio dignum speret reddi premium dicente domino: Dimittite et dimittetur vobis. Quocirca ut ejus adipisci
l.6 mereamur consorcium, cujus imperiis amabiliter parent quecumque visibiliter vel invisibiliter fore creduntur admodum, pro remedio animarum nostrarum, necnon et cog-
l.7-natorum nostrorum, tam vivorum, quam defunctorum, supradictos colibertos, quorum si quis scire nomina voluerit, hȩc sunt, Altrudis mater Constantini, Gauterii,
l.8 juris deinceps monachorum sanctȩ Mariȩ esse volumus, faventibus Gaufrido comite, atque ejus fratre Fulcone, sub presentia nobilium tam laicorum quam clericorum.
l.9 Preterea si forte filii vel filie qui nati vel qui nascituri sunt ut sepe fit, similiter eos donamus, ut dehinc nullo nostrum vel alicui, aliquod debeant noxiȩ servitutis
l.10 obse[cr...7...] illis solis pro quorum karitate [...7...nter] linquimus. Preterea vehementer flagitamus, ut si forte acciderit, ut sepe fieri solet, filii, vel filie,
l.11 nunc [...8...] nascentur ex nobis, amplius in servitutem redigere eos voluerint, penitus a consortio catholicorum segregentur, atque vehement[er]
l.12 excommunicentur [do]nec resipiscant, atque eos sanctȩ Mariȩ monachis relinquant. Quod si facere noluerint, in omnipotentis incurrant judicium.
l.13 Quocirca ut [integra] atque incorrupta omni tempore maneat hȩc cartula, propriis manibus eam signare statuimus.
l.14 Signum Algerii qui hanc cartam fieri rogavit et manu propria eam firmavit.
l.15 Signum Gaufridi comitis, qui hanc cartam propria manu roboravit.
l.16 S. Fulconis capellani. S. Evrardi de Prungiaco. S. Josceranni.
l.17 S. Raginaldi vicarii. S. Maurini de Jorello. S. Garnerii filii Vidionis.
l.18 S. Bernardi prioris. S. Emenonis. S. Gauterii. S. Gaufridi. S. Bernardi.
l.19 S. Garini. S. Dodonis presbiteri. S. Vitalis presbiteri.