Transaction entre Germain de Morannes et Albert, abbé de Marmoutier, lui confiant, s'il meurt, la tutelle de ses deux jeunes enfants issus d'un premier mariage, avec une partie de ses biens, soit la moitié d'un moulin à Brissarthe, un quartier de terre, un quart du moulin neuf et une maison à Morannes.

l.1 Notum sit omnibus veri Dei cultoribus maxime autem successoribus nostris, Germanum
l.2 de Morenna convenientiam talem cum domno abbate Alberto et fratribus Majoris Monasterii habuisse.
l.3 Habebat duos de defuncta uxore filios parvulos quos commendavit sancto Martino cum quadam rerum
l.4 suarum portione, tali videlicet ratione, ut quamdiu vixerit infantulos ipse nutriat. Si autem mortuus
l.5 fuerit, in manu sancti Martini et sub cura abbatis vel monachorum pueri remanebunt, usque dum ad intelligibilem
l.6 et virilem perveniant aetatem. Quo cum pervenerint, si voluerint sancti Martini esse cui sunt a patre donati,
l.7 bene. Sin autem noluerint, discedent quidem cum rebus a patre sibi relictis, sed dandi vel vendendi seu cambiendi eas
l.8 potestatem non habebunt, quia sancti Martini post eorum obitum erunt. Hȩc sunt autem quȩ sancto Martino Germanus
l.9 reliquit, quando ei filios suos sicut jamdictum est dedit: dimidium molendinum in villa quȩ Briesarta dicitur,
l.10 et unum quarterium terrȩ. Et hoc auctorizat Gauzfridus Festuca filius Archenulfi de cujus fevo
l.11 dimidium molendinum est, et quarterium, cui etiam census de dimidio molendino sex scilicet denarii in festivitate
l.12 sancti Albini, et de quarterio I denarius redditur. Et unum quarterium alterius molendini quod dicitur Novum in Marigniaco
l.13 villa situm, de dominico episcopi Andegavensis Huberti, casamento scilicet Sancti Mauricii, ipso presule annuente. Et unam domum in villa
l.14 quȩ dicitur Morenna, quȩ sita est in areis Rotberti Nigri Grunni patris Arnaldi quas Arnaldus ipse Germano vendidit.
l.15 Solvit autem ipsum quarterium tria obola de censu, et domus quattuor denarios, utraque in festivitate sancti Albini, supradicto
l.16 presuli. Dona hȩc etiam ita contulit et firmavit idem Germanus sancto Martino et fratribus Majoris Monasterii, ut si eo vivente
l.17 filii ejus defuncti fuerint, etiam omnes res illȩ quas prediximus in dominium jamdicti sancti remaneant, pro anima uxoris
l.18 et filiorum ejus. Quod si de ea uxore quam post primam accepit filios habuerit, nullam partem in his quȩ supra
l.19 diximus habebunt, sicut ipse Germanus antequam eam uxorem acciperet, ipsas res filiis suis qui jam
l.20 nati erant segregare, audiente ipsa nova sponsa et fratribus ejus et multis aliis curavit.