l.1 Notum sit fratribus nostris, Majoris scilicet Monasterii monachis, quod terram de Seonvilla quam dedit nobis
l.2 Girardus Brunellus, auctorizavit nobis Guillelmus Goius totam ex integro cum omnibus consuetudinibus
l.3 et reditibus ejus sicut eam tenebat de eo ipse Girardus. Eodem loco et in eadem hora simul etiam auctorizavit nobis
l.4 idem Guillelmus Goius ecclesiam de Dongiolo quam dederat nobis Herlebaldus, et terram quam dedit nobis Odo frater Herlebaldi,
l.5 quȩ terra pertinebat ad propriam carrucam ipsius Odonis, et olcas quas dedit nobis idem Odo quantumcunque tenent, id est a molino vetulo
l.6 usque ad viam quȩ ducit ad Aluiam. Hȩc omnia auctorizavit uxor ipsius Guillelmi Eustachia simul cum viro
l.7 suo et pro his omnibus dedimus ipsi Guillelmo X sol., uxori ejus Eustachiae V sol.. Factum est hoc in aula Guillel-
l.8-mi multis audientibus et videntibus quorum haec nomina sunt, Gaufredus filius Godiscalci, Landricus de Toriel, et Odo frater ejus,
l.9 Radulfus de Canta Merla, et Radulfus Pincerna, Rainaldus et Gilduinus foristarii, Giraldus nepos Gumbaldi, Johannes conversus,
l.10 Odo monachus prior, Herbertus monachus. Actum anno domni abbatis Bartolomei VIIIvo.

1