Ascelin, vicarius, son épouse Raimburge, leurs fils Guillaume et Guicher, et Ermengarde, sœur de Raimburge, donnent leur accord à la vente de parts de moulins faite par Robert, époux d'Ève, fille de Guinemer de Monthodon.

l.1 Nosse debebitis si qui eritis posteri nostri Majoris hujus scilicet habitatores Monasterii Sancti
l.2 Martini, Rotbertum quendam qui Evam filiam Guinemari de Monte Hildulfi habebat uxorem,
l.3 vendidisse sancto Martino et nobis sub regimine tunc et nunc agentibus domni abbatis Alberti
l.4 prius per manum Hildeberti monachi III quartaria, et postea per manum Richardi nichilominus monachi IIIItum quartarium
l.5 molendini ejusdem Guinemari de Monte Hildulfi, quem tenebat per ejus filiam quam habebat
l.6 ut dictum est uxorem, annuente hoc ipsa cum duabus aliis sororibus suis, et III etiam arpennos
l.7 pratorum, quorum II ad eundem pertinent molendinum, quorumque singuli ad festum sancti Georgii
l.8 IIIIor de censu denarios solvunt. Quam scilicet venditionem auctorizavit Ascelinus vicarius
l.9 et Raimburgis uxor ejus et filii eorum Guillelmus atque Guicherius, et Ermengardis soror
l.10 ejusdem Raimburgis uxoris Ascelini. Quȩ ambȩ fuerant filiae Herbaldi de Villagradus, de
l.11 cujus fevo fuerat ille molendinus et illa prata. Eamdemque Ermengardem habebat tunc
l.12 idem Ascelinus in tutamentum et in custodiam, cum omnibus quȩ ei jure hereditatis obveniebant.
l.13 Acceperunt itaque pro hac auctorizatione a supradicto monacho Ascelinus et uxor ejus solidos VIII,
l.14 filii eorum singuli singulos porcellos, et Ermengardis illa tunc adhuc parvula, porcellam
l.15 unam. Quae post annos plures cum maneret Blesi jam adulta, unam itidem porcam ab eodem
l.16 monacho et solidos IIIIor accepit, suumque rursus auctoramentum toti illi venditioni attribuit,
l.17 accepto etiam promisso, se suumque maritum si quando nupsisset et ad monasterium nostrum
l.18 uterque veniret, in benefacti nostri participationem suscipiendi. Huic secundo illius auctoramento
l.19 testes affuerunt, Ulricus Malus Clericus, Gauscelmus Bobinus, Hugo Gubillus, Guillelmus
l.20 nepos Rodulfi. Archembaldus quoque prepositus Vindocinensis, de quo molendinum illum et
l.21 prata in fevum habebat eadem Ermengardis omnia haec ut acta sunt auctorizavit,
l.22 et verrem I ut auctorizaret accepit. Quod cum post annos plurimos forte oblitus
l.23 negare voluisset, testem habuimus legitimum nomine Gausbertum, jurejurando probare
l.24 paratum, et verrem accepisse et auctorizasse hȩc omnia Archembaldum. Ita ille tandem
l.25 quod fecerat recognovit, et filios etiam suos, Hugonem
l.26 hȩc eadem auctorizare fecit. Quod actum est anno ab incarnatione Domini MLXII,
l.27 testibus istis, [colonne1] Ascelino Chotardo, Mauritio, Richardo, Landrico de Bolon, Rotgerio de Cons.
l.28 De emptione et auctorizationibus suprascriptis, Guicherio, [colonne2] Alcherio, Hugone filio Ivonis, Ascelino, Burchardo fratre Fulberti, Ascelino Chotardo, Willelmo Bucello, Alcherio cellarario, [colonne3] Gaus[frido] Belino, Fulberto, Landrico filio Otberti de Sancto Cyro, Ademaro, Guicherio, Warino Britone.

1