Henri II, empereur, accorde à l'église de Metz divers droits sur une forêt située à l'est de la Moselle et de la Seille.

l.1 [chrisme] IN NOMINE SANCTAE ET INDIVIDUAE TRINITATIS, HEINRICUS, DEI CLEMENTIA ROMANORUM IMPERATOR AUGUSTUS.
l.2 Noverit omnium fidelium nostrorum universitas quod nos, interventu ac peticione dilectȩ contectalis nostrae Cunigundȩ, videlicet imperatricis augustae, fratri suo Thiodrico, Metensis sedis venera-
l.3-bili episcopo, suisque successoribus ad usum ejusdem aecclesiae quandam silvam his limitibus terminatam: incipientem scilicet a civitate Mettensi superiorem tramitem cursus Salliȩ usque ad villam Aviau, et
l.4 rivolum Odhel, et ejusdem fluvii superiorem cursum usque ad villam Dodeismes, et hinc inter montem Tinquerei et Montivous usque ad publicam viam quȩ ducit Badasc[ort et] rivum Stampenei, et hujus
l.5 subteriorem cursum usque ad fluvium Nita; inde usque ad fluvium Rottona et hujus superiorem cursum usque [a]d villam Tiedresdorf, ab ea omnem [viam usque ad villam] Adelingam, hinc usque ad locum qui
l.6 vocatur Heistrebach, inde usque ad fluvium Iton et hujus subteriorem cursum usque ad villam Northeim, ab hac usque villam Muzicha, inde usque ad villam [Here]de hinc usque ad villam Rupenacha,
l.7 et fluvium qui vocatur Bieverta hujus subteriorem cursum usque ad villam Arconcei et flumen Mosellȩ, hujus cursum usque Mettim, per hanc nostrae dominationis paginam consensu vicinorum
l.8 banno nostro imperiali constringere et ut rustice dicunt forastare concedimus atque confirmamus, ea scilicet ratione ut predictus episcopus sibique successuri liberam dehinc habeant potestatem eandem silvam
l.9 forestandi omnium hominum regni nostri contradictione remota. Et ut haec nostrae donationis auctoritatis stabilis et inconvulsa omni tempore permaneat, hanc paginam inde con-
l.10-scriptam manu propria corroborantes atque confirmantes sigillo nostro insigniri jussimus.
l.11 SIGNUM DOMNI HEINRICI INVICTISSIMI ROMANO-[monogramme]-RUM IMPERATORIS AUGUSTI.
l.12 GUNTHERIUS CANCELLARIUS VICE ERCHANBALDI ARCHICAPPELLANI NOTAVIT.
l.13 Data II idus januarii, anno dominicae incarnationis MXVIII, indictione I,
l.14 anno vero domni Heinrici secundi regnan[t]is XVI, imperii IIII. Actum Franconeford [sceau].

BRESSLAU (H.), Die Urkunden Heinrichs II. und Arduins, Hanovre, 1900-1903 (MGH Diplomata regum et imperatorum Germaniae, 3), n° 379.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 134, n° 76.