Gui, archevêque de Reims, donne à l'abbaye Saint-Remi de Reims, où il désire être inhumé, l'autel de Bazancourt ; l'abbé en aura la présentation moyennant dix-huit deniers à verser à l'archevêque lors du synode annuel ; après sa mort, les moines devront célébrer chaque année son obit.

l.1 In nomine sanctȩ et individuȩ Trinitatis, ego Wido, divina favente clementia Remorum archiepiscopus,
l.2 notum esse cupio tam presentibus quam futuris sanctȩ Remensis ȩcclesiȩ fidelibus quia, cum animo revolverem
l.3 quanta devotione predecessores mei sedis hujus pontifices, coenobium Beati patris Remigii Francorum
l.4 apostoli excolentes, possessionibus augmentaverint quibusque necessariis rebus, pro spe retributionis ȩternȩ,
l.5 locupletaverint et ob hoc, a coenobitis ibidem Deo militantibus perhennis memoriȩ titutum promeruerint,
l.6 decrevi et ipse pro modulo virium mearum eorum imitari vestigia et eundem locum pro tam gloriosi patroni
l.7 amore debita venerari reverentia ipsique famulantibus liberalitatis meȩ impertiri beneficia.
l.8 Ubi etiam sepulturȩ meȩ locum quandocumque me Deus ab hac fluctivaga et labili vita evocaverit, delegi.
l.9 Et ut fratres memoriam mei tam in vita quam post mortem in orationibus suis habeant anniversariumque
l.10 depositionis meȩ diem quotannis agendo animȩ meȩ congruum adjutorium impendant,
l.11 altare villȩ quȩ dicitur Basilicȩ Curtis eis perpetualiter possidendum sub clericali persona
l.12 cum consilio totius cleri mei tradidi, ea conditione ut si eadem persona aliquid criminis commiserit,
l.13 unde judicetur personatum amittere, sive morte interveniente subtracta fuerit vitȩ, ab abbate ipsius
l.14 loci, Remensis ȩcclesiȩ pontifici, altera presentata absque aliqua conventione seu pecuniȩ largitione
l.15 substituatur, cui animarum committatur diligentia quique in synodo quotannis X et VIII tantum
l.16 denarios persolvat. Huic igitur traditioni si quis refragari presumpserit aut eam in posterum
l.17 aliqua temeritate convellere temptaverit, iram Dei incurrens prȩsumptionis suȩ supplicia luat
l.18 et beatȩ Dei genitricis Mariȩ gloriosique Remigii utpote ejus honori invidens sanctorumque omnium
l.19 meritis perpetuȩ excommunicationis cum apostata angelo ultionem subeat. Id vero statutum
l.20 ut per succedentia temporum curricula inconvulsum maneat, placuit ad posterum memoriam litteris
l.21 commendare easque archiepiscopalis auctoritatis sigillo cum clericorum et laicorum qui adfuerunt
l.22 testimonio corroborare. [colonne1] Signum Odonis archidiaconi. Signum Warini archidiaconi. Signum Odalrici prepositi. Signum Richardi decani. Signum Odonis cantoris. Signum Herimanni. Signum Bernachri. Signum Geirardi. Signum Hugonis. Signum Gibuini. Signum Lecelini. Signum Leudonis decani. Signum Acelini subdecani. Signum Arnulfi presbiteri. Signum Johannis. Signum Guntheri. Signum Rotdulfi presbiteri. Signum Ranoldi presbiteri. Signum Rotdulfi decani. Signum Rotberti subdecani. Signum Hugonis decani. Signum Tasselonis. Signum Richardi. [colonne2] Signum domni abbatis Herimari. Signum Erleboldi decani. Hainrici. Harduini. Widrici. Adalberonis. Petri. Raineri. Rotberti. Fulconis. Erleboldi. Achardi. [colonne3] Laicorum vero Manassȩ comitis. Rotgeri comitis. Rainoldi Suessonici comitis. Haimonis. Vuidonis. Joffridi. Milonis. Aleranni. Warini. Rotfridi. Vuiboldi. Haimonis. Petri. Rotdulfi. Warneri. Grivonis. Hugonis.
l.23 Actum Remis, anno incarnationis dominicȩ millesimo LIIIo,
l.24 indictione VI, regnante Heinrico rege anno XXIIII,
l.25 archiepiscopatus domni Widonis anno XX.
l.26 Signum [croix] ejusdem archiepiscopi.
l.27 Odalricus cancellarius scripsit et subscripsit [croix].
l.28 [sceau].

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 10, Instr, col. 21-22, n° 18.

DEMOUY (Patrick), Actes des archevêques de Reims d'Arnoul à Renaud II, 997-1139, 3 vol., th. dact, Nancy, 1982, t. 2/1, p. 90-91, n° 27.