Chartres, AD Eure-et-Loir, H 2389

<< < / > >>

Numéro3196

Fiabilité de l'actenon suspecté

Genrenotice

Date06/1116(fiabilité :édition)

Lieunon identifié

DiocèseChartres

RégionCentre

Supportparchemin

Chirographienon

Sceau non scellé

Etat de la traditionoriginal

Hauteur à gauche412   mm

Hauteur à droite402   mm

Largeur en haut279   mm

Largeur en bas274   mm

AuteurGastho, son épouse et ses fils de  BROU

BénéficiaireNottonville, prieuré de Marmoutier

Regeste

Notice du jugement à la cour de Guillaume Goetus, concernant la part de dîmes de Gastho de Brou sur les vignes de Nottonville, donnée à l'abbaye de Marmoutier, vignes abandonnées et transformées en terres arables.

Fac-similé

Texte

l.1 [N]otum sit omnibus tam pr[es]entibus quam futuris, quod Gastho de Braiaco, uxorque ejus et filii tunc
l.2 temporis existentes, Odo, Silvester, et Agatha, pro amore Dei, animarumque suarum et antecessorum salute,
l.3 dederunt et concesserunt aecclesiae et monachis Majoris Monasterii, partem suam decimȩ omnium vine-
l.4-arum Nantulfi Villȩ, quȩ tunc temporis jam ibi erant, seu plantandȩ fuerant, tempore Galterii ejusdem loci
l.5 prioris. Multo autem tempore post, contigit ex eisdem vineis multas in desertum redire, et ob hoc ad terram
l.6 arabilem devenire. Unde quia predicti monachi, decimam similiter annonȩ de eis capiebant sicut et de vino vine-
l.7-arum fecerant, necnon et de vineis illis quȩ post donum illud plantatȩ fuerant, Gastho ipse clamorem fecit
l.8 de monachis apud Guillelmum Goetum senem, et uxorem ejus Eustachiam, et Guillelmum filium eorum, dicens quia non
l.9 dederat eis nisi tantum decimam [illarum] vinearum quȩ ipsa die qua eis hoc donum fecit jam plantatȩ erant, non
l.10 earum quȩ postea plantandȩ fuerant, ita ut si ad terram arabilem aliquando redissent, ipse, non monachi ha-
l.11-beret annonȩ decimam. Similiter [et] de his quȩ in desertum redissent, si iterum reȩdificarentur, non monachi, sed
l.12 ipse decimam acciperet. Ex qua re monachi compulsi, in curiam jamdicti W. Goeti senis in praesentia Eustachiȩ
l.13 uxoris illius, adversus eum ad placitum venerunt. Ubi cum dixissent monachi, Gasthonem eis dedisse decimam
l.14 tam vini, quam annonȩ illius terrȩ, ubi vineȩ extitissent, et eodem modo de vineis illis quȩ post ipsum primum
l.15 donum plantarentur, et inde testes legitimos se habere. Factum est inde in eadem curia judicium, et judica-
l.16-tum est, unum ex duobus Gasthoni licere, ut videlicet, aut hoc contra unum de testibus monachorum, se non
l.17 fecisse, bello defenderet, aut eorum probationem, per juramentum testium susciperet. Et accepto inde
l.18 consilio, invenit apud consilium suum idem Gastho, quod de elemosina sua bellum non faceret, sed juramentum
l.19 trium ex testibus ipsorum acciperet, et ilico producti sunt tres isti, Ingerricus major de Chamartio, et
l.20 Stephanus major de Nantulfi villa et Tetbaldus Pilatus de Charmatio. Qui ita esse, et se ita vidisse et audis-
l.21-se sicut monachi dicebant, et eo die tenebant, ibidem mox juraverunt. Gastho autem rem omnem unde
l.22 controversia extiterat, protinus bona pace dimisit, et quiete concessit. Unde et monachos qui ibi praesentes erant,
l.23 et eorum homines, osculatus est, in signum concordiȩ et pacis. Hoc vero solum exceptum est, quod de vineis illis quȩ ab illo
l.24 die et deinceps novellȩ ȩdificarentur, quo hȩc facta est concordia, non haberent monachi decimam, nisi hoc eis prius Gastho
l.25 concederet. Actum, anno ab incarnatione Domini MoCoXVI, mense junio, ubi interfuerunt, ex parte Gasthonis, [colonne1] Raherius de Essarto, Adam Brunellus, Rotbertus Pesatus, Rotbertus filius Hervei, Hugo de Ulmeio, Herbertus serviens, [colonne2] Paganus de Labouechia, Raherius Muscharius, Herbertus de Braciaco. [colonne3] Ex parte monachorum, Willelmus prior, Rivallonius sacrista, Gilduinus nepos Eustachiȩ, Tetbaldus prior Nantulfi Villȩ. [colonne4] De famulis eorum, Ingerricus major de Camartio, Stephanus gener ejus, Tetbaldus Pilatus de Camartio, Landricus de Turre, Hildegarius Becchet, Hubertus Minat bovem.

Bibliographie

MABILLE (E.), Cartulaire de Marmoutier pour le Dunois, Châteaudun, 1874, p. 86-88, n° 95.

Responsable

M. Courtois

Comment citer cette notice

Acte n°3196 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3196»[En ligne] http://www.cn-telma.fr/originaux/charte3196/. Date de mise à jour : 29/03/12.