Accord Eudes Desredatus concernant les bois de Nottonville.

l.1 Notum sit presentibus et futuris quod homines Odonis, cognomine Desreati, injuste abscidentes nocte et die bos-
l.2-cum monacorum Sancti Martini Majoris Monasterii, qui habetur prope villam quȩ appellatur Nantoliacum, abspor-
l.3-tabant. Unde sepius monachi Sancti Martini convenerunt illum Odonem, et querimoniam apud eum fecerunt. Ad
l.4 ultimum tamen uterque ad hanc concordiam pervenerunt, quod licet homines Odonis monachis Sancti Martini pro forisfac-
l.5-to bosci sui multa secundum justitiam persolvere debuissent, cȩteris omissis LXII solidos illis pepigerunt. Quos LXII
l.6 solidos monachi supradicti sancti tali tenore illis hominibus et prenominato Odoni recommendaverunt, quod si amplius de
l.7 bosco suo aliquid injuriȩ illis facere presumserint, semel aut bis primum monachi querimoniam apud Odonem fecerint. Si au-
l.8-tem ante majorem dominum inde illis placitari necesse fuerit, tunc illos LXII solidos quasi pro catali persolvere oportebit
l.9 homines supradictos qui hoc plivierunt, si viventes aut in patria reperti fuerint. Ista ergo convenientia ita sicut dicimus
l.10 primum fuit ordinata in villa Nantoliaco, videntibus istis testibus Herluino, Gradulfo, Ricardo, Robino, Erfre-
l.11-do, Ebruino, Roberto filio Richildis, Ebrardo Clofello armigero Odonis. Postea autem fuit perfecta sicut diximus et ex
l.12 utraque parte laudata Chamarcio in ipsa eadem domo monacorum jamdictorum, etiam videntibus et audientibus istis testibus
l.13 Girardo de Monte Folet, Guarino infante, Fulcoino de Membrolis, Ingelardo Bernardi genero, Hugone preposito comi-
l.14-tissȩ, Constantio Serani filio, Omninobona, Gislardo, Odone Desreato, Odone Gabaste, Guarino ejus genero, Hugone
l.15 de Manso Meraldi, Nivardo majore, Odone cellario, Hugone de Nantoliaco villa, Grandino Carnotensi, Maine-
l.16-rio de Puteolo, Martino famulo, Rainaldo Corbello. De monachis, Gaufredo, Odone, Herberto, Bernardo, Goslino.
l.17 Actum est hoc anno ab incarnatione Domini M octogesimo IIIo, domno Bartolomeo abbate moderante virgam disciplinȩ
l.18 super gregem Majoris Monasterii.