Accord concernant un moulin construit par Eudes Desredatus et les moines de Nottonville près de leur moulin commun sur la Connie, et sur les droits et coutumes qui en dépendent.

l.1 Posteris nostris notum fieri volumus, quod Odo Desredatus et monachi Sancti Martini de Nantuvilla habebant unum
l.2 molendinum communem, et unam sclusam, in aqua que dicitur Coneia. Placuit vero eis quod facerent alium molendinum juxta
l.3 illum, et aliam sclusam, tali pacto, quod quales custumas monachi capiebant in priori molendino, et in priori sclusa, ta-
l.6-les caperent ipsi monachi, in alio molendino et in alia sclusa, videlicet medietatem molendinarii, et medie-
l.5-tatem furti, et medietatem rapti, et medietatem sanguinis, et medietatem incendii. Et de omnibus piscibus qui
l.6 capti erunt ad molendinos habebunt monachi quartum piscem, de minutis et de majoribus, et quartam partem inge-
l.7-niorum ad capiendos pisces ponent. Et si ad merramentum molendinorum fuerint ingenia adposita, vel ligata,
l.8 ad capiendos pisces sub molendinis vel juxta molendinos, habebunt monachi inde quartum piscem, et quartam par-
l.9-tem ingeniorum ponent. Et de omnibus piscibus qui capti erunt in una hastata aquȩ, juxta ambas sclusas, que hasta-
l.10-ta mensurabitur, ab utraque sclusa intra aquam, a capite ambarum sclusarum usque ad molendinos habebunt mo-
l.11-nachi quartum piscem, de minutis et de majoribus, et quartum ingenium ad capiendos pisces ponent. Et a meta quȩ facta
l.12 est in utraque sclusa, usque ad molendinos, habebunt monachi per totam aquam quartum piscem et quartum ingenium
l.13 ad capiendos pisces ponent. Et a meta in retro nichil capient monachi nisi in suam aquam, et in hastata aquȩ
l.14 que fuerit a capite ambarum sclusarum usque ad molendinos. Et in sclusis facient inter Odonem et monacos portas,
l.15 et de omnibus piscibus qui erunt capti ad portas, habebunt monachi medietatem, et medietatem ingeniorum ponent.
l.16 Et ad calefaciendum molentes, et ad molendinos reficiendos, et ad sclusas reficiendas, et ad portas reficiendas,
l.17 dabit monacus de luco Sancti Martini, si ea que necessaria fuerint, in luco poterint inveniri, et si in luco non
l.18 poterint inveniri, querent inter Odonem et monacos. Et si Odo ea que necessaria fuerint ad opus molendinorum, et
l.19 sclusarum, atque portarum querere noluerit, facient monachi de communi. Similiter si monachi ea que necessaria
l.20 fuerint querere noluerint, faciet Odo de communi. Et de mercede quam habebit mercenarius qui portabit ligna
l.21 ad calefaciendum molentes, dabunt monachi medietatem, et Odo alteram medietatem. Omnes istas custumas, videlicet
l.22 medietatem molendinarii, et furti, et rapti, sanguinis atque incendii, et quartum piscem de molendinis, et de hastata aque que
l.23 est juxta novam sclusam, et de alia sclusa hoc quod pertinet ad eum, et quartum piscem de aqua que est a meta sclusarum usque ad molendinos
l.24 et medietatem piscium de portis, dedit Odo Desredatus Deo et Sancto Martino et monachis ejus in elemosinam, et propter hoc donum, habu-
l.25-it ipse Odo de caritate Sancti Martini XXtiIII solidos. Hoc donum, et hanc convenientiam concesserunt filii ejus, videlicet Hugo Desredatus,
l.26 Gelduinus, Gosfridus, Odo, atque Girardus, et habuerunt pro hac concessione, Hugo Desredatus XVIIII solidos, et Gelduinus X solidos,
l.27 et Gosfridus V solidos, et inter Odonem et Girardum V solidos.. Hujus doni, et hujus concessionis testes sunt, ex parte Odonis Desredati,
l.28 et filiorum ejus, Paganus de Plesilaco, Guillelmus de Viler Sancti Orgencii, Odo de Cantumerulȩ, Garinus filius Andree, Robertus
l.29 Scutum ad Collum de Brocha, Lebaudus major de Brocha, Odo de Lerrevilla, Hugo de Aureliano filius Gosfridi Desredati,
l.30 Aumandus Torchans Ocream, Lambertus de Duiaco. Ex parte vero monacorum, Odo filius Godefridi de Puteolo, Paganus de Car-
l.31-noto filius Adelardi, Stephanus major, Robertus frater ejus, Hildegarius de Vilers, Hugo Bulgens, Odo frater ejus, Ricardus pisca-
l.32-tor, Arnulfus filius Benedicti de Lanci, Bernerius filius Guidonis, Hugo filius Constantini, Escomardus, Teodericus sacerdos,
l.33 Moises monacus, Gosfridus monacus Pictavensis, Tebaudus monacus, qui tunc erat prior de Nantuvilla, et qui hanc rem fecit.
l.34 Hoc donum et he concessiones facte fuerunt coram Hugone de Puteolo Carnotensi vicecomite, et per manum ejus, de cujus bene-
l.35-ficio monachi habent omnia alia, et ista. Hoc autem factum est Ludovico regnante in Francia, Tebaudo comite
l.36 principante, Gaufrido de Livis Carnotensi episcopo, anno ab incarnatione Domini Mmo CXVIIII quando carte fuerunt
l.37 divise inter Odonem et monachos, et Odo Desredatus recepit cartam suam. Adfuerunt cum Odone Desredato, et cum filiis suis, Paganus
l.38 de Plessiaco, et Guillelmus de Viler Sancti Orgentii, et Renaudus de Villa Mauri. Et cum monachis adfuerunt, Stephanus major,
l.39 Arnulfus filius Benedicti de Lanci, et Escomardus, vidente Hugone de Puteolo Carnotensi vicecomite, et suis hominibus
l.40 videntibus. CIROGRAFUS.