Guillaume le Prêcheur concède à Marmoutier église de Chuisnes dédiée aux martyrs Gervais et Protais qu'il avait construit et les habitations des moines élevées à côté.

l.1 Notum esse volumus omnibus sanctȩ Dei aecclesiȩ filiis tam prȩsentibus quam futuris, quia cum Guillelmus
l.2 presbiter salutari animȩ suae sollicitudine permotus, in pago Carnoteno in loco qui dicitur Choina ȩcclesiam
l.3 in memoria sanctorum martirum Gervasii et Protasii construxisset, et circa eam habitationes monachorum
l.4 conversationi habiles disposuisset, ipsam aecclesiam et cellas quas aedificaverat cum omnibus quae ȩcclesiȩ illi
l.5 condonaverat, Deo et Sancto Martino Majoris Monasterii concessit, donnoque abbati Alberto coenobio quod
l.6 Majus Monasterium dicitur prȩlato, in manus contulit, ut orationum et beneficii eorum particeps
l.7 factus aeternȩ sibi remunerationis prȩmium adquireret. Coepit autem idem Guillelmus cognomento
l.8 Prȩdicator cum predicto abbate et fratribus Majoris Monasterii hujusmodi [conv]entionem, ut abbas
l.9 ipse vel successores ejus illam cellam pro voluntate sua ad Dei servitium disp[on]ant, monachos illuc
l.10 de suis juxta arbitrium sum et loci facultatem mittant, qui inibi regulari[ter] vivendo Deo deservi-
l.11-ant, nec unquam cella illa vel aecclesia proprios abbates habeat, sed semper abbati Majoris Monasterii
l.12 subjaceat, qui de suis illic monachis quos et quot et quandiu voluerit habitare faciat. Horum omnium
l.13 testes multi sunt, quorum aliqui huic notitiae ad testimonium si necesse fuerit, subscripti sunt. [colonne1] Ivo de Curba villa, Hubertus Mordens, Mascelinus miles, Gunterius miles, [colonne2] Letherius Brisardus, Rotbertus Curteisus, Odo Bursardus, Gauscelinus sartor. [colonne3] De familia Sancti Martini, Letbertus de Ponte, Hubertus, Hildebertus cocus, et Guarinus clericus. [colonne4] De MONACHIS, Adelardus monachus, Genzo monachus, Guarinus monachus.

1