Accord entre l'abbé de Marmoutier et Adhémar, chevalier de Châteaudun, au sujet des maisons que celui-ci avait sur les terres de saint Martin.

l.1 Prȩsentes atque futuri volumus ut sciant quoniam Ademarus quidam miles de Castroduno qui contra voluntatem domni
l.2 abbatis seniorumque Majoris Monasterii domos illas quas in terra sancti Martini habebat nunc usque tenuit, debitas
l.3 videlicet earum solvere dedignans consuetudines, tandem justo convictus judicio, ad hunc
l.4 redigitur finem, ut eas de quibus loquimur domos ad consuetudinem qua vicini ejus omnem consuetudinem
l.5 sancto Martino solventes, proprias tenere videntur, amodo teneat, octoque de censu denarios termino
l.6 quo cȩteri persolvat. Sin autem omnes consuetudines suas ut cȩteri burzenses qui omnem ut dictum est
l.7 consuetudinem prȩdicto sancto solvunt reddere noluerit, rectȩ conventionis est ut relicta terra sancti
l.8 Martini quocumque sibi placuerit iter arripiat, ne molestiȩ nobis ulterius inquietudinem inferat.
l.9 Nomina vero testium qui hanc conventionem audientes et videntes affuerunt, infra notare
l.10 curavimus,
l.11 Nevelonem, Godiscallum, Raherium, Odonem Borrellum, Ayrardum de Buslo, Germundum,
l.12 Guarinum vicarium, Aymericum clericum, Fulcradum,
l.13 domnum abbatem, Hervisum monachum, Hiduinum monachum Trecacensem, Rodulfum monachum, Guidonem monachum,
l.14 Rotgerium monachum, Bernerium monachum,
l.15 Ascelinum majorem, Odonem, Guillelmum, Balduinum, Raimbaldum, Richardum majorem,
l.16 Rainaldum majorem, Gauscelinum mariscallum, Guarinum clericum.