Chartres, AD Eure-et-Loir, H 2272

<< < / > >>

Numéro3163

Fiabilité de l'actenon suspecté

Genrenotice

Date1037(fiabilité :étude diplomatique)

Lieunon identifié

DiocèseTours

RégionCentre

Supportparchemin

Chirographieen haut

Sceau non scellé

Etat de la traditionoriginal

Hauteur à gauche400   mm

Hauteur à droite390   mm

Largeur en haut252   mm

Largeur en bas257   mm

AuteurGeoffroi II, vicomte  de  CHATEAUDUN

BénéficiaireAbbaye  de  MARMOUTIER - CHAMARS

Regeste

Concorde entre Geoffroi [II], vicomte de Chateaudun, et Albert, abbé de Marmoutier, en présence du comte Eudes, au sujet des mauvaises coutumes que le vicomte et ses ministériaux avaient sur les biens de saint Martin à Chamars.

Fac-similé

Texte

l.1 Notum esse volumus cunctis fidelibus tam presentibus quam futuris de malis consuetudinibus quas Gauzfredus
l.2 vicecomes et sui ministeriales in suburbio possessionis sancti Martini quȩ Campus Martis vocatur,
l.3 paulatim immiserant, talem factam esse concordiam in presentia comitis Odonis communi consensu
l.4 Gauzfredi jamdicti vicecomitis, et abbatis Majoris Monasterii nomine Alberti, quam ultra nulli
l.5 liceat transgredi. Ut scilicet nullas in predicto suburbio acciperet ultra consuetudines Gauzfredus
l.6 vicecomes, vel ministri ejus, preter has quȩ in presenti carta subterscriptȩ inveniuntur, teloneum videlicet
l.7 consuetum at antiquum, et censum caldariarum tinctorum, vel tinctricum, de unaquaque caldaria,
l.8 denarios IIII in festivitate sancti MARTINI. Comparationem quoque panis ad vendendum facti, et carnis
l.9 quȩ ad vendendum occisa est, et nihil sine tallia accipient. Quam comparationem si eis crediderint venditores,
l.10 infra spatium duorum mensium solvent eam. Et si ei necesse fuerit aliquando ad quoquinam vel ad balneum suum, calda-
l.11-riam tinctoris accipiet, sed nusquam portabit eam, nisi in ipsum castrum, neque ultra tres dies illam retinebit. Homi-
l.12-nes vicecomitis consuetudinarios non receptabit abbas in suburbio suo, ita ut perdat de illis vicecomes
l.13 consuetudinem suam. Et similiter vicecomes non receptabit homines Sancti MARTINI, ne perdant monachi
l.14 consuetudinem suam. Neque in predicto suburbio quisquam hominum aliquid accipiet, nisi ille qui juratum
l.15 habuerit. Et cum ille mortuus fuerit, aut remotus ab officio, ipse qui pro eo subrogabitur, similiter jurabit.
l.16 Et ut conventio ista firma permaneat, per suggestionem et ordinationem Odonis comitis, alligavit vice-
l.17-comes ministeriales suos jurejurando, ne ultra quam scriptum est in carta ista facere contra mona-
l.18-chos, vel homines eorum presumant. Similiter et monachi vicecomiti jurare fecerunt ministeriales suos,
l.19 ne scilicet consuetudinarios vicecomitis in suo suburbio scienter recipiant, et si inventi fuerint
l.20 postquam id cognitum fuerit, homines vicecomitis per se ipsos vindictam non sumant, donec apud
l.21 monachum qui possessioni prefuerit, clamorem faciant, et monachus illis justiciam faciet, cum emendatio-
l.22-ne legis. Similem quoque justiciam homines vicecomitis faciant monachis, postquam clamorem eorum
l.23 audierint. Si vero post finem duorum mensium reddere non voluerint homines vicecomitis
l.24 hominibus Sancti Martini preteritum debitum, non tamen dicentur transgressores jurisjurandi, nisi postea
l.25 aliquid ab eis acciperint. Si autem post illum terminum ab eis aliquam creditionem accipere presumpserint,
l.26 transgressores habebuntur jurisjurandi, non reddito scilicet preterito debito. Hujus conventionis
l.27 testes hii sunt, Godescallus, Wilelmus Casnellus, Hilgaldus filius archiepiscopi, Hilgaldus Niger,
l.28 Gaufredus filius Hermerii, Odo archidiaconus, Odo decanus, Teudo filius Galonis,
l.29 Odo filius Burrelli, Odo Musca, Rodbertus Muletii, Herbertus, Avesgaldus, Harduinus,
l.30 Guarnerius cubicularius, domnus Albertus abbas cum tribus monachis, Seinfredo, Radulfo,
l.31 Ainardo, et cum tribus servis, Ascelino, Ebruino, Tetmerio. NOTICIA CONVENTIONIS VICECOMITIS ET MONACHORUM SANCTI MARTINI.

Notes

1

Responsable

M. Courtois

Comment citer cette notice

Acte n°3163 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3163»[En ligne] http://www.cn-telma.fr/originaux/charte3163/. Date de mise à jour : 29/03/12.