Otton II, empereur, confirme la donation de Gilbert à l'abbaye Saint-Arnoul de Metz.

l.1 IN NOMINE DOMINI DEI AETERNI, OTTO, DIVINA FAVENTE CLEMENTIA IMPERATOR AUGUSTUS, OMNIBUS FIDELIBUS SANCTAE DEI AECCLESIȨ NOSTRISQUE PRESENTIBUS AC FUTURIS, NOTUM SIT
l.2 quia per interventionem dilectissimi sobrini nostri domni Deodrici, sanctae Mettensis ȩcclesiae reverentissimi episcopi, abbas Johannes ex monasterio Sancti Arnulfi,
l.3 auribus serenitatis nostrae innotuit, qualiter quidam homo, nomine Gilbertus, res suȩ proprietatis monasterio seu tutelȩ beati Arnulfi subjecit,
l.4 ea conditione ut ipse et uxor ipsius cui pars earundem rerum dote cedebat vel filii ipsorum dum adviverent, eis potirentur et sub mundeburdo ȩcclesiȩ prescriptȩ
l.5 tenerentur, et annis singulis solidos duos ad altare beati Arnulfi persolverent; quod si successio ipsa liberorum ita casibus humanis defecerit in jus
l.6 et potestatem monasterii jure legitimo redigantur. Nos proinde ut prefata ecclesia Sancti Arnulfi prȩnominatas res firmius valeat obtinere, ac
l.7 memoratus Gilbertus, conjunx vel filii ipsius sibi succedentes sub constituto censu ea securius teneant, has nostrae auctoritatis litteras fieri
l.8 jussimus, per quas eo ordine quo dicta sunt universa statuimus atque firmamus, remota cujuslibet inquietudine aut repetitione.
l.9 Et ut hȩc nostre confirmationis auctoritas rata habeatur anulo nostro jussimus insigniri.
l.10 SIGNUM DOMNI OTTONIS [monogramme] IMPERATORIS AUGUSTI.
l.11 EGBERTUS CANCELLARIUS AD VICEM VUILLIGISI CONSCRIPSI [sceau].
l.12 Data V idus maii, anno dominice incarnationis DCCCCLXXVII, indictione V, anno vero regni domni Ottonis XVI, imperii X. Actum Theodonis Villa.

SICKEL (Th.), Die Urkunden Ottos II. Die Urkunden Ottos III., Hanovre, 1888-1893 (MGH Diplomata regum et imperatorum Germaniae, 2), DO II, n° 158.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 132, n° 61.