Landri, abbé de Saint-Père de Chartres, fait savoir que Guérun Salvaticus, provisor de la celle de Planches a vendu deux terres à un prêtre nommé Fulbert qui a donné 20 sous et 3 livres.

l.1 IN NOMINE SANCTAE ET INDIVIDUAE TRINITATIS, PATRIS ET FILII ET SPIRITUS SANCTI. Ego Landricus
l.2 gratia Dei abbas coenobii Sancti Petri Carnotensis quod decenter et honorifice non longe ab ipsius civi-
l.3-tatis porta quae vocatur Cinerosa priscis temporibus situm est, in quo non modica monachorum congre-
l.4-gatio secundum regulam sancti Benedicti ac aliorum precedentium patrum exempla pie vivens in ymnis et canticis
l.5 spiritalibus, intimo cordis affectu pervigil, ceterarumque virtutum claris adornata insignibus, perdia vel
l.6 pernox tendit ire Petro presule per hujus mundi nunquam quietum pelagus, ad aeternae patriae portum
l.7 semper amoenum, Christum quoque sedula prece exorat, pro cuncto populo catholico, specialiter vero pro his, quorum
l.8 beneficiorum atque largitionum juvamine in hoc fragili carnis gurgustio dum vivit sustentatur. Cum
l.9 hac inquam ego predictus abbas notum fore volumus cunctis fidelibus tam presentis quam venturi evi,
l.10 quod quidam monachus noster Warinus nomine prenomine Salvaticus nostrȩ cujusdam cellȩ proviso[r], in f[in]ibus Normanniȩ in honore
l.11 Dei genitricis MARIAE constructȩ, in villa quȩ vulgo Plancas vocatur, a quodam presbitero nomine Fulberto
l.12 jure perpetuae emit emptionis terram videlicet Vualterii de Vico, terramque Guarnerii. Pro hac quoque
l.13 XX solidos nummorum dedit, pro altera III tres libras nummorum. Domini quippe supradicti presbiteri duo scilicet
l.14 fratres, Willelmus de Fageto et Guimundus, ut huic venditioni preberent assensum, XX solidos tantundemque
l.15 etiam domino eorum dedit Guimundo videlicet Felici cujus tunc erat ipsum castrum de Molinis ac de cujus
l.16 beneficio supradicti duo fratres terram illam tenuerant. Itaque tam a presbitero suprascripto quam a dominis ejus supradictis
l.17 positum est donum super altare almȩ matris Domini, videntibus et audientibus his, quorum nomina subscribere mandavimus.
l.18 Prius vero assignare curavimus quia Giraldus ipsius presbiteri filius adnisus est reclamare sibi supradictȩ terrae partem,
l.19 set convictus in curia de Molinis castri coram domina ipsius castri Albereda scilicet filia Guimundi Felicis,
l.20 donum et ipse posuit super altare habens inde L solidos. Cujus rei testes sunt hi, Guiddo presbiter, Fulbertus de Plancis,
l.21 Herbertus de Meriticurte, Serannus de Plancis, Restaldus mediator, Corbellus, Willelmus vinitor,
l.22 Turoldus famulus, Willelmus Canutus, Willelmus de Aspris, Willelmus filius Milonis, Eubrardus de Ruga.