Albert, fils de Ribaut, donne l'église de Brezolles et divers droits audit lieu et confirme les donations faites par ses fidèles à l'abbaye Saint-Père de Chartres.

l.1 Ad occasum cuncta secularia ruitura, et e contrario celestia perpetualiter mansura divinorum voluminum scriptura testatur, simulque precipit omnibus Christi sanguine redemptis, ut dando viliora, preci-
l.2-ciosiora sibi mercentur. Unde ego Albertus Ribaldi filius celestium cupiens promereri consortium, favente mea carissima conjuge Adelaise, pro animabus nostris parentumque nostrorum, liberam ab omni calumpnia
l.3 universorum hominum aecclesiam de Bruerolis quam in honore sancti Germani pater meus construxit, sancto PETRO Carnotensis cenobii concedo, ut monachi ipsius cenobii ab hac die in eternum eam ha-
l.4-beant, et possideant. Altare quoque ipsius ecclesie quod ab episcopo Carnotensi semper in fisco tenueram huic largitioni meȩ annuentibus clericis domnus Agobertus presul perpetualiter addidit, petitionibus
l.5 monachorum flexus. Annuo etiam totam sepulturam ipsius ecclesiȩ, sed et decimam que ad presens in manu mea esse videtur. Censum quoque ipsius vici cum decima mercati placuit dare, et quicquid
l.6 ex omni genere olerum sive pomorum potest accipi jure mercati, retenta tercia parte census matri mee necessaria dum vixerit. Placuit denique duas partes furni addere, preter quem alter non
l.7 sit in tota villa. Post aecclesie capitium duos agripennos terre concedimus. Terram quoque Walterii Costati cum luco adjacente. In bosco quoque sancti Remigii monachis concedo pasnagium porcorum
l.8 suorum atque agripennarium unum ubi subulci cum porcis reditum habeant domesticum dormituri. De cetero omnibus nostris fidelibus tribuo licentiam, ut ex rebus suis quas habere videntur ex nostro be-
l.9-neficio, pro animabus suis ditent supradictam aecclesiam, atque exornent, sicut fecit Walterius prenomine Palardus, qui tradidit medietatem terrȩ suȩ in Bulfigneio, presentibus his, Herberto de Burseriis,
l.10 Roberto de Fossatis, Teobaudo de Valgrigniis, Ebrardo Gauterii, Dodone sonescallo. Item quedam optima vidua Hersendis nomine simile opus peregit, que dimidiam terram Cruciaci vivens sancto
l.11 Petro et sancto Germano dedit, alteram vero post mortem ejus. Testes, Ricardus prepositus, Sulpicius, Rainerius Finemunt. Item Robertus de Fossatis pro sua et conjugis sue anima in Funtanis villa unius aratri terram
l.12 eidem [ae]cclesiȩ contulit. Item Wado filius Baudrici aecclesiam quandam non longe a Bruerolis sitam in villa que dicitur Fessonisvillare, sancto Petro et monachis sibi famulantibus cum terra unius aratri
l.13 jure perpetuo tradidit, annuente filio ejus Chotardo. Emptiones quoque et commercia que ibidem monachi manentes fecerunt vel facturi sunt, sollemniter annuo, sicut terram Geraldi
l.14 de Rest, quam Garinus monachus solidis LX emit, de Hildeburge filia Rainaldi et ejus filiis. Hujus rei sunt testes Robertus de Fossatis, Richardus prepositus, Rainerius Finemunt, Gauterius de Unge-
l.15-na, qui et ipse supradicto monacho farinarium Male Pene non longe ab aecclesia situm XL solidis vendidit, eo tenore ut sibi in festivitate sancti Remigii annuatim reddantur XII nummi. Testes
l.16 F. Roscelini, Ricardus de Bero, Robertus de Fossatis, Ivo de Rimalast, Sulpicius Herberti, Richardus prepositus, Rainerius Finemunt, qui pro sua anima superiorem aquam istius farinarii usque ad suum fari-
l.17-narium sancto Germano concessit. De qua re testes sunt Robertus de Fossatis, Richardus prepositus. Item concessi commercium quod fecerunt monachi pro pratis et terra quam cooperuerat aqua stagni quod
l.18 quod aedificavit Garinus monachus intra vicum, pro qua re Gauscelinus et Suspicius frater ejus me jubente quandam terram acceperunt non longe a vico, quȩ terminatur ex una parte quadam piro, et acervo ru-
l.19-pium, et ex alia parte, rivulo aque, quȩ vocatur Medua. Pro hac ipsa re V solidos nummorum, et unam domum dederunt monachi Suspicio, uxore sua favente, et Roberto filio ejus. Testes, Galterius, Richardus,
l.20 Rainerius. Ego quoque ipse Albertus post hujus vite terminum illam videlicet terram que mihi colitur Bruerolis cum luco adjacente monachis sancto Petro sanctoque Germano servientibus pro remedio tam anime me quam
l.21 conjugis, atque omnium parentum meorum prona voluntate concedo, et omnibus augentibus hoc donum sive faventibus vite eterne premium mecum habere exopto. Si quis autem heredum meorum aut aliorum
l.22 hominum huic nostro bono contradicere voluerit, cum Annania et Saphira nisi cito resipuerit perpetuo anathemate multatus in inferno penas luat, et nisus ejus inefficax permaneat.
l.23 Concessit autem hoc dominus meus rex Philipus cum regina matre sua Drocis in sua camera, anno secundo regni suo. Hujus concessionis sunt testes, Simon filius Radulfi comitis, Teobaudus de
l.24 Monmorence, Hugo buticularius, Adelardus cubicularius, Ingerranus pedagogus regis, Hugo Dublellus, Albertus dator hujus rei, Teudo frater ejus, Robertus Rufus, Robertus de Luriaco, Herbertus de
l.25 Burseriis. Item hanc cartulam allatam Parisius piissimus rex corroborare propria manu voluit, et tam Balduino nobilissimo comiti, quam presentibus fidelibus suis corroborandam tradidit.
l.26 Quorum nomina sunt subscripta. S. Philipi regis [croix]. S. Bauduini comitis. Signum Radulfi comitis. Et de nostris hominibus qui hoc viderunt
l.27 testes sunt hi, Tescelinus, Stephanus Galoius, Stephanus filius ejus, Stephanus major, Frodo filius Aventi, Fulco filius Gausberti Ortolani, Odo presbyter de Ver.
l.28 Post hec plurimis decurrentibus annis Bernardus de Lamerivilla donavit eidem ecclesiȩ nostrȩ decimam de Lamerivilla, et iterum cupiditate cecatus invasit eam. Postmodum vero in infirmita-
l.29-te positus, coactus timore mortis eandem decimam guerpo super altare sancti Germani posito eidem eidem ecclesie nostre reddidit, multis astantibus. Quo defuncto, filius ejus Mascelinus predictam
l.30 decimam invasit, et abstulit. Qui postmodum vulneratus, et mortis timore compulsus, quam abstulerat nobis decimam coram multis injusticiam suam recognoscens restituit. Sed hoc defuncto so-
l.31-rororius ejus Fromundus et soror Leticia eandem decimam reinvadentes abstulerunt. Isti etiam a Moyse tunc priore Bruerolensi et Sulpicio decano rogati et commoniti, ab injusta invasione re-
l.32-sipuerunt, et decimam eandem guerpum coram multis super altare ponentes reliquerunt. Huic autem rei testes affuerunt Sulpicius decanus, Godefredus de Bosco terreȩ, Germundus, Hugo filius
l.33 Bernerii, Hubertus f. Guimundi, Sulpicius f. Germundi, et multi alii. Alio tempore Robertus de Matunvillari infirmitate conprehensus, vocatis ad se Raimberto tunc priore Bruerolensi
l.34 et Sulpicio decano per manus eorum dedit sancto Petro decimam de Albuthon pertin[en]tem ad predictam ecclesiam de Bruerolis, concedentibus uxore sua Aalina, et filiis Guastinello, et ceteris
l.35 qui loqui poterant. Alio quoque tempore Gualterius et Robertus fratres dederunt sepenominate ecclesiȩ nostre dimidiam decimam de Sevart. Quod concessit Frodo miles de quo eandem decimam tenebant
l.36 et uxor ejus et filius Willelmus. Sed et calumpniam cujusdam decime nostre de Pomereia et de Bosco Girberti pertinentis ad nostram aecclesiam de Cruceio, pro salute animarum suarum, jam nominati fratres remiserunt. Quodam
l.37 similiter tempore Sainfredus de Noa infirmatus dedit eidem ecclesie nostre de Bruerolis decimam de Noa, et decimam de Ponteharten, et alias decimas suas, quarum omnium donationem concessit
l.38 Bartholomeus de quo eas tenebat.
l.39 Dicendum quoque de decima de Funtaneto, quod quandam ejus partem dedit nobis Amelina mater Frodonis, aliam partem Hubertus filius Guimundi, et Maria. Sed et Odo de Pleinchanp
l.40 omnes decimas suas nobis dedit, et uxor ejus, et filius ejus.