Dame Mabilia de Castello donne à Notre-Dame de Chartres la vicairie de Catenis et de Torciaco.

l.1 Quoniam plurima quȩ in mundo fiunt, aut negligentia aut antiquitate, labi de sinu memo-
l.2-riȩ possunt, non inutiliter aut supervacue, majores nostri ea quȩ digna videbantur, scripto conmendari jusserunt,
l.3 per quod ambitiosa temeritas reprimeretur, error ambiguitatis excluderetur, dissensionis contentio sopiretur.
l.4 Quorum exemplo, nos omnes Carnotensis capituli fratres, dignum duximus, et utile posteris nostris credidimus,
l.5 scripto presenti notificari, qualiter domna Mabilia de Castello dedit beatȩ MARIȨ vicariam de Catenis, et
l.6 de Torciaco, pro anima patris sui et matris suȩ, et sua, et Hugo filius ejus et Watho et Robertus concesserunt hoc
l.7 in capitulo Sanctȩ M. presente episcopo Gaufredo, Sansone decano, Salomone cantore, Walterio archidiacono, Hugone de Leugis prepositus, et Hugone decani prepositus, et aliis
l.8 personis, et canonicis multis, quorum hȩc sunt nomina, Walterius presbiter, Gauslinus presbiter, Petrus presbiter, Rainaldus presbiter, Radulfus Teobaldi, Radulfus Li Bigoz,
l.9 Willelmus Moignardi, Matheus, Droco Paganus archidiaconus, Richerius archidiaconus, Ansgerius archidiaconus, Simon de Sancto Leobino.
l.10 Postea vero Mauricius et Petrus alii fratres concesserunt hoc ipsum apud Rotomagum, et vadimonia suȩ concessionis trans-
l.11-miserunt per manum domini Heinrici prepositi, videntibus et audientibus, Andrea de Baldement, Willelmo de Fraxineto, Nigello thesaurario, Heinrico de Richeborc,
l.12 Radulfo de Mercato, Ansoldo de Bello Videre canonico, Guillelmo de La Ventona, Roberto de La Haie.