l.1 P[aschalis], episcopus, servus servorum Dei, Carnotensis capituli clericis salutem et apostolicam benedictionem. Quam pravas consue-
l.2-tudines in domibus et rebus Carnotensis episcopi defuncti vel depositi comites quondam
l.3 Carnotenses habuerint, vestra memoria recognoscit. Fratris autem nostri Ivonis Carnotensis episcopi labore et in-
l.4-dustria ab egregio comite Stephano sicut scitis impetratum est, ut easdem consuetudines abdicaret.
l.5 Nos autem ne quis ulterius eadem presumat, decreti nostri pagina interdiximus. Nunc vestram sollicitudi-
l.6-nem premonemus et monentes precipimus, ut si forte aliquis Carnotensium comitum, vel ministrorum
l.7 eorumdem, aliquando cupida temeritate et temeraria cupiditate libertatem a comite concessam,
l.8 a nobis confirmatam infregerint, tamquam ecclesiastici juris sacrilegi pervasores, a vobis vel successoribus vestris
l.9 excommunicentur, et eis ecclesiȩ tam civiles quam suburbanȩ usque ad satisfactionem claudantur. Addimus
l.10 etiam ut si episcopus amittendi episcopatus timore, vel electus in episcopum adquirendi ambitione, illius sacri-
l.11-legii patratores absque satisfactione absolverit, vel supportaverit, tamquam sacrilegii par-
l.12-ticeps, et episcopatus emptor adjudicetur. Novis siquidem morbis novum convenit antidotum adhiberi,
l.13 et ȩcclesiȩ salutem modis omnibus conservari. Datum Laterani VII kalendas aprilis.
l.14 [sceau].

ACHERY (Dom L. d'), Spicilegium sive collectio veterum aliquot scriptorum qui in Galliae bibliothecis delituerant, 3 vol., Paris, 1723, t. 3, p. 440.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 15, p. 23-24.

LEPINOIS (Eugène de Buchère de), MERLET (Lucien), Société archéologique d'Eure-et-Loir. Cartulaire de Notre-Dame de Chartres, publié sous les auspices de cette société, d'après les Cartulaires et les titres originaux, 3 vol., Chartres, 1862-1865, t. 1, p. 110, n° 1.