Jean, évêque de Sées, confirme la donation au prieuré Sainte-Gauburge, de l'église de la Roia.

l.1 Johannes, Dei gratia Sagiensis episcopus, Johanni, priori Sanctȩ Walburgis, et successoribus ejus, et sancto ejusdem ȩcclesiȩ conventui, salutem.
l.2 Ȩcclesiȩ vestrȩ amore et conversatione commoniti, concedimus vobis et fratribus in eadem ȩcclesia degentibus, terciam partem
l.3 ȩcclesiȩ de la Roia, hoc scilicet quod in eadem ȩcclesia Fulqueius presbiter habebat, frater Radulfi forestarii,
l.4 qui Radulfus eandem elemosinam prȩfatȩ ȩcclesiȩ sanctȩ Walburgis pro anima sua et antecessorum su-
l.5-orum dederat. Et nos quoque ex parte nostra eandem elemosinam vobis concedimus et confirmamus,
l.6 tali conditione ut ȩcclesia Sagiensis et ejusdem ȩcclesiȩ episcopus justiciam suam quam in eadem ȩcclesia
l.7 de la Roia, ante donum Radulfi forestarii habuerat, non amittat. Datum Sagii XV kalendas marcii. Teste Willelmo
l.8 Oximensi archidiacono, et Haimerico Belismensi archidiacono, et Johanne cantore Sagiensi, et Garino Sagiensis ȩcclesiȩ canonico,
l.9 et Galtero Belismensi decano, et magistro Alchero de Hogem, et Lamberto presbytero de Berzis, et magistro Jordano capellano episcopi.
l.10 Et de amicis Radulfi, Odelina uxor ejus teste, et filiis ejus Girardo et Galtero, et testibus, avunculis puerorum Odone, et Willelmo, et Hu-
l.11-gone Berlai, et Gaufrido de Curtielis, et Pagano fratre ejus, et Hugone domino Pratellorum, et Judith matre ejus, et Herveo Breiman,
l.12 et Herveo de Dance preposito monachorum, et Fulqueio cognato ejus, et Adam Cornart, qui hoc et viderunt et concesserunt.
l.13 [sceau].