Guillaume I^er, roi d'Angleterre, donne à l'abbaye de Saint-Denis l'église de Derhest dans le comté de Glocester.

l.1 WILLELMUS REX ANGLORUM, COMES NORTMANNORUM ATQUE CINOMANNENSIUM. CHRISTI FIDELIBUS UBIQUE GENTIUM.
l.2 Miserator et misericors Dominus, patiens et multum misericors, inter cetera suȩ miserationis precepta, cum universa quȩ possidet homo ultra quam dici potest compendiosa
l.3 sint ad comparationem beatitudinis ȩternȩ, precipit nobis ex his quȩ jure possidemus, indeficientes thesauros thesaurizare, dicens: Thesaurizate vobis thesauros in celo, ubi
l.4 neque ȩrugo, neque tinea exterminant. Cujus precepti amore stimulati, ego et collateralis mea MATTILDIS, cum prudenti consilio procerum nostrorum, pro salute animȩ
l.5 nostrȩ, liberorum, omniumque nostrorum, ȩcclesiam de Derhest sitam in territorio et comitatu civitatis GLOECESTRE, sancto DYONISIO, cujus prerogativo apostolatu Galliȩ populus congra-
l.6-tulatur, cum omnibus sibi appendiciis, conferimus, sicut fideli nostro BALDUINO, ejusdem sancti monacho, inlustris antecessor noster rex EADWARDUS, suis propriis usibus dedit, priusquam
l.7 abbatiam SANCTI EADMUNDI, cui nunc preest, ab eodem susciperet, et sicuti nos postmodum, adepto regno, ipsi concessimus. Sit autem hȩc, cum omnibus quȩ ad ipsam pertinere
l.8 dinoscuntur, libera ab omni negotio. Roboramus etiam hoc privilegio donum quod prenominatus rex eidem sancto, pro nanciscenda mercede eterna contulit, videlicet
l.9 Teintuna, cum omnibus ad se pertinentibus sancientes eam liberam sicut et hanc quam ipsi tribuimus, quatinus nos et soboles nostra ipsius sancti precibus, sociorumque ejus RUSTICI ET ELEUT-
l.10-HERII, adipisci mereamur prosperum presentis vitȩ statum, et eterne stationis portum. Si quis autem ex hac nostra donatione quippiam diripuerit, cujuscumque potestatis sit, ex
l.11 auctoritate Dei omnipotentis, cum Dathan et Abyron, similem sortiatur portionem, nisi resipiscens satisfactionem et emendationem sancto, fratribusque loci ipsius attitulatis, exhibuerit.
l.12 ANNO DOMINICȨ INCARNATIONIS MLXVIIII, REGNI VERO WILLELMI REGIS TERTIO, IN secunda die Paschȩ, firmatum est hoc privilegium
l.13 in monasterio Sancti Spiddun, apud civitatem Wincestre, dum celebraretur missa, his testibus consentientibus: Ego Willelmus rex, hanc nostram donationem et corrobo-
l.14-rationem signo agye crucis munivi. [croix] Ego MATTILDIS, regina ejusdem regis, hoc mihi placere professa sum. Ego Richardus regis filius, patris et matris donum libentissime annui. [colonne1] [croix] Ego Stigandus ecclesie Cantuariensis archiepiscopus confirmavi. [croix] Ego Aldredus ecclesie Eboracensis archiepiscopus consodavi. [croix] Ego Willelmus episcopus Lundoniȩ. [croix] Ego Arelricus episcopus. [croix] Ego Hertmannus episcopus. [croix] Ego Giso episcopus. [croix] Ego Livricus episcopus. [croix] Ego Odo episcopus frater regis consignavi. [croix] Ego Goisfridus episcopus Sancti Laudi. [croix] Ego Balduinus Ebroicensis episcopus. [croix] Ego Ernaldus Cinomannensis episcopus. [colonne2] [croix] Ego Robertus comes regis frater cum benivolentia consensi. [croix] Ego Willelmus comes, Osberti filius. [croix] Ego Rotbertus comes Augensis castri. [croix] Ego Rodulfus comes. [croix] Ego Brien. [croix] Ego Fulco de Alnoo. [croix] Ego Henricus Ferrariensis. [croix] Ego Hugo de Monteforti. [croix] Ego Richardus filius Gisleberti comitis. [croix] Ego Rogerus Divri. [croix] Ego Haimo regis dapifer. [croix] Ego Robertus frater hujus Haimonis.
l.15 [croix] Signum regine. [croix] Signum regis. [croix] Signum filii ejus Richardi.
l.16 [sceau].

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 179-180, n° 288.

BATES (David), Regesta regum Anglo-Normannorum : the Acta of William I : 1066-1087, Oxford : Clarendon press, 1998, p. 767-769, n° 254.