Philippe I^er, roi de France, confirme à l'abbaye de Saint-Denis la donation de la villa de La Chapelle en Berry.

l.1 IN NOMINE SANCTE ET INDIVIDUE TRINITATIS. PHILIPPUS, DIVINA PROVIDENTE CLEMENTIA FRANCORUM REX, OMNIBUS EPISCOPIS, ABBATIBUS, DUCIBUS, COMITIBUS
l.2 SEU QUACUMQUE JUDICIARIA POTESTATE PREDITIS.
l.3 Summa cura et magna sollicitudo debet esse regum, ea quȩ fidelibus Dei pro oportunitate aecclesiarum fuerint postulata sollerter perspicere et congrua eis benefitia non
l.4 denegare, set ea que pro Dei fiunt intuitu ad effectum in Dei nomine conlaudare. Quapropter vestrae auctoritatis egregia magnitudo cognoscat quoniam accedentes ad nostrae sublimita-
l.5-tis presentiam Erchenbaldus, scilicet Burbunensis dominus, atque Hunbaldus, Huriacensis miles venerandus, supplici petierunt devotione, ut cujusdam villȩ munus quaȩ in Bituricensi regione Capella no-
l.6-minatur, et ab incolis juxta fluvium Lasmars sita esse peribetur, fratribus Deo ac preciosissimis martiribus Dyonisio, Rustico et Eleutherio, ubique militantibus nostraȩ auctoritatis precepto fieri juberemus atque, sicut sancti
l.7 Caprasii quidam miles nomine Johannes supradictis martiribus pro sua omniumque animarum salute concesserat, inde carta facta nostro proprio sigillo in perpetuum confirmaremus. Tantorum igitur virorum petitioni
l.8 adquiescens, pro remedio animȩ meae omniumque animarum salute monachis basilice Domni Dyonisii speculiaris patroni nostri, in qua ipse preciosus martyr cum sociis suis corpore requiescit, et ubi
l.9 Rainerius abba preesse videtur, quod petebant, in tanta libertate concessi ut in presentia multorum constituissem quatinus juxta supradictam Capellam loca quatuor terminarentur, in quibus singulis crux
l.10 lignea poneretur. Quod si forte fur vel alicujus criminis reus infra constituta loca deprehenderetur, liber omnino esset quamdiu infra metam quatuor locorum moraretur, reddita pecunia si apud
l.11 se inveniretur unde criminis furto accusabatur. Si autem supradicte Capelle aliquis incola vicino suo vel extraneo injusticiam fecisset, nullius hominis nisi solius prioris vel aliorum fratrum justicie
l.12 subjacuisset. Et quia Capelle donum regium meȩ auctoritatis testimonio confirmare desidero, amicabiliter vobis impero ut, si quis superbia nimia repletus pro monachorum imperio justi-
l.13-ciam facere dedignetur si prioris quaerimonia auribus vestris insonuerit, ut inde dignam emendationem ad honorem sancti Dyonisii faciatis. Ad ultimum vero regalis sublimitas tantam incolis Capel-
l.14-le libertatem concessit ut nullus in ea habitans bannum vel teloneum aut vicariam aliquam nisi sancto Dyonisio persolvisset nec alicujus hominis precepto contra adversarios in expeditionem perrexisset nisi
l.15 cum communione archipresulis vel ad defendendam sancti Dyonisii terram pro utilitate monachorum. Quin insuper in ista carta regio decreto vetitum constat ne de Capella aliquis egrediens vel redi-
l.16-ens alicui nocere presumat, ne pro istius rei nequitia detrimentum aliquod monachis eveniat. Quia vero prefatus Erchenbaldus Burbunensis dominus ita integre sicut Johannes de Sancto Caprasio dederat quicquid ab eo tenebat sive villam, sive homines,
l.17 sive mansos et intus et extra sancto Dyonisio remota omni exceptione, me et proceribus meis audientibus, concessit monachi Capelle inmorantes pro salute anime ipsius omniumque parentum suorum per omne presentis vitȩ spacium pauperi cuidam alimentum prebeant,
l.18 ille vero indumentum, et cuicumque de genere suo castrum Burbunense possidere contigerit, precipue super aecclesia et rebus monachorum curam gerat eosque magnopere defendat et ad eum res et villa respiciat, ita tamen quod
l.19 nullam ibi possit exercere potestatem nisi amor prioris ceterorumque monachorum ei permiserit. Et ut hȩc preceptio firmior habeatur vel per tempora conservetur firmioremque habeat vigorem, manus nostre subter ea decrevimus roborari
l.20 subscriptionibus.
l.21 S. PHILIPI REGIS. SIGNUM RICARD ARCHIEPISCOPI SINONENSIS. S. Gaufredi Parisiensis episcopi. S. Walterii Meldensis episcopi. S. Helinandi Laudunensis episcopi. S. Widonis Beloacensis episcopi. S. Frotlandi Silvanectensis
l.22 episcopi. S. Balduini comitis Flandrensis. S. Rodulfi comitis Crispinianensis. S. Wilelmi comitis Curboilensis. S. Gaufredi comitis Bellimontis. S. Walerandi
l.23 camerarii. S. Frederici dapiferi. S. Rainerii abbatis Sancti Dyonisii. S. Arraldi abbatis Sancti Germani. S. Wilelmi abbatis Sancti Benedicti. S. Erchenbaldi Burbunensis. S. Hunbaldi Huri-
l.24-acensis. S. Hugonis prioris. S. Amblardi Gaudini. S. Heuroldi Romeiensis. S. Arnulfi Burbunensis. Istud datum esse factum confirmamus in die Pentecosten, anno VII regni nostri, in palatio
l.25 Parisiacensi. Fideliter, in Dei nomine. Amen. S. Balduini cancellarii qui hanc cartam scripsit. S. HAIMONIS, ARCHIEPISCOPI BITURICENSIS IN CUJUS DIOCESI EST AECCLESIA CAPELLE. [rota].
l.26 [sceau].

CHAZAUD (M.-A.), Fragments du cartulaire de la Chapelle-Aude, Moulins, 1860, p. 23-25, n° 13.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 176-177, n° 285.

PROU (M.), Recueil des actes de Philippe I^er, roi de France (1059-1108), Paris, 1908 (Chartes et diplômes relatifs à l'Histoire de France), p. 86-91, n° 29.

VAN DE KIEFT (C.), Etude sur le chartrier et la seigneurie du prieuré de la Chapelle-Aude : XIe-XIIIe siècle, Assen, 1960, p. 225-227, n° 9.