Henri III, empereur, confirme les biens du prieuré de Liepvre en Alsace, dépendant de l'abbaye de Saint-Denis.

l.1 [chrisme] IN NOMINE SANCTE ET INDIVIDUE TRINITATIS, HEINRICUS, DIVINA FAVENTE CLEMENTIA ROMANORUM IMPERATOR AUGUSTUS.
l.2 Quoniam ȩcclesias Dei, pro spe vitae ȩternae, non solum nostris prout possumus donis cupimus ditare, seu etiam ea bona unde ditantur nostra imperiali auctoritate tueri, eisque confirmare, idcirco noverint omnes Christi nostrique fideles
l.3 tam futuri quam presentes, qualiter nos pro remedio animȩ nostrȩ atque interventu regni thorique nostri consortis AGNETIS imperatricis, necnon dilectissimi filii nostri HEINRICI regis quarti, monasterio in
l.4 honorem sanctorum martirum Dionisii, Rustici et Eleutherii, atque Alexandri constructo, in loco Lebraha dicto, in pago Alsiacensi, ea bona quȩ nunc in presentiarum jure ac legaliter possidet, vel inantea jure ac
l.5 legaliter acquisierit, nostra imperiali auctoritate condonamus ac confirmamus. Hoc est utriusque sexus mancipiis, areis, aedificiis, agris, pratis, pascuis, terris, cultis et incultis, vineis, aquis, aquarumque
l.6 decursibus, molis, molendinis, piscationibus, silvis, venationibus, exitibus et reditibus, quesitis et inquirendis, cum omni utilitate quȩ ullomodo poterit inde provenire, ea videlicet ratione, ut neque episcopus, neque
l.7 archiepiscopus, sive comes, sive marchio, aut dux, sive magna, sive parva persona, supradictum monasterium molestare, divestire, aut ullomodo inquietare, sine legali judicio, praesumat. Et ut hȩc nostrȩ imperialis
l.8 donationis, vel confirmationis auctoritas stabilis et inconvulsa omni ȩvo permaneat, hanc cartam inde conscriptam manu propria, ut infra videtur, corroborantes, sigilli nostri impressione jussimus insigniri.
l.9 SIGNUM DOMNI HEINRICI TERCII, REGIS INVICTISSIMI [monogramme] SECUNDI ROMANORUM IMPERATORIS AUGUSTI. (MPR). (KOM).
l.10 VUINITHERIUS CANCELLARIUS INVICEM LIUTBOLDI ARCHICANCELLARII RECOGNOVIT. [sceau].
l.11 Data autem VII kalendas februarii, anno dominicȩ incarnationis MLVI, indictione VIIII, anno autem domni HEINRICI tercii regis, imperatoris secundi,
l.12 ordinationis ejus XXVIII, regni XVIII, imperii vero X. Actum Argentine. In Dei nomine, feliciter. Amen.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 168-169, n° 271.

BRESSLAU (H.) et KEHR (P.), Die Urkunden Heinrichs III., Berlin, 1931 (MGH Diplomata regum et imperatorum Germaniae, 5), n° 365.