Charles III le Simple, roi des Francs, confirme à l'abbaye de Saint-Denis, l'affectation des revenus de l'abbaye de Liepvre et de la saline de Marsal, à la nourriture, au luminaire et aux pauvres de Saint-Denis.

l.1 [chrisme] [Subxcripsit. Amen]. IN NOMINE SANCTAE ET INDIVIDUAE TRINITATIS, KAROLUS, DIVINA PROPITIATE CLEMENTIA REX. SI PETITIONIBUS SERVORUM DEI ET UTILITATIBUS AECCLESIARUM CONSULIMUS ET HOC AD EFFECTUM
l.2 perducimus, retributorem exinde Dominum habere confidimus. Idcirco cognoscat utilitas seu sollertia, tam praesentium quam et futurorum, quia venerabilis comes Rotbertus nobis adeo dilectus abba monasterii Sancti Dyonisii
l.3 martiris Christi defensoris et specialis patroni nostri ac sociorum ejus accessit ad clementiam nostram et innotuit de quadam abbatiola in regno dilectissimi consanguinei nostri Hludovuici, id est Lebraha infra Vosagum consistente,
l.4 quam quondam venerabilis Fulradus abba praefati monasterii sanctissimo Dyonisio et fratribus sibi famulantibus firmitate cartarum et auctoritate praeceptorum contulerat quamque praedicti fratres semper ex tunc in usus proprios tenuerant cum patella una
l.5 et stadivo uno in vico Bodesio, nostramque humiliter deprecatus est clementiam ut jamdictis fratribus super praefatas res auctoritatis nostrae praeceptum renovare et confirmare contra venturos abbates dignaremur, quatinus ipsi fratres suprascriptas
l.6 res omnibus temporibus absque ulla inquietudine aut pervasione vel distractione alicujus abbatis tenere valeant. Itaque annuentes precibus praenominati comitis Rotberti, secundum quod in testamento venerabilis Fulradi abbatis et in privilegio domni
l.7 Leonis apostolici continetur, monachis praedicti monasterii Sancti Dyonisii tam in stipendiis victualium quamque in luminaribus et receptione pauperum, praefatas res praecepto nostrae auctoritatis perpetualiter confirmamus, commonentes et contestantes
l.8 futuros abbates ut quod a nobis est concessum et roboratum inviolabiliter custodiant. Auditor et observator hujus praecepti aeternam recipiat mercedem, violator autem quislibet vinculo privilegii domni Leonis apostolici et anathematis
l.9 super res firmatas, si non resipuerit, innodatus permaneat. Ut autem hoc praeceptum, instar privilegii perscriptum, verius credatur et plenius observetur, manu subter propria firmavimus et de anulo nostro jussimus sigillari.
l.10 SIGNUM KAROLI [monogramme] REGIS GLORIOSISSIMI.
l.11 ERNUSTUS NOTARIUS AD VICEM ASKERICI EPISCOPI RELEGIT ET [ruche] [SUBSCRIPSIT. AMEN] [sceau].
l.12 Datum nonas junias, indictione VI, anno XI regnante Karolo gloriosissimo rege, redintegrante VI. Actum Metlagio villa. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 499, n° 31.

GRANDIDIER (abbé Philippe-A.), Histoire de l'église et des princes-évêques de Strasbourg jusqu’à nos jours, 2 vol., Strasbourg, 1776, t. 2, p. 315.

TARDIF (Jules), Monuments historiques - Paris, 1866, (Archives de l'Empire. Inventaires et documents), p.141, n° 222.

LAUER (Philippe), Recueil des actes de Charles III le Simple, roi de France, 2 vol., Paris, 1940-1949, p. 103-105, n° 47.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 6, pl. 14 (fac-similé).