Charles le Chauve, empereur, restitue à l'abbaye de Saint-Denis la villa de Silvarouvres, dans le Barrois.

l.1 IN NOMINE SANCTAE ET INDIVIDUAE TRINITATIS, KAROLUS, EJUSDEM DEI OMNIPOTENTIS MISERICORDIA IMPERATOR AUGUSTUS. SI SACRIS LOCIS ET DIVINIS CULTIBUS EMOLUMENTUM MANCI-
l.2-patis imperialis celsitudinis exhibemus, profuturum nobis hoc ad aeternam beatitudinem obtinendam et ad praesentem vitam felicius transigendam fore nullo modo dubitamus. Quocirca
l.3 notum sit omnibus sanctae Dei ecclesiae fidelibus nostrisque praesentibus scilicet atque futuris quoniam Franco praepositus ex coenobio Sancti Dionisii necnon et reliqui fratres ejusdem coenobii innotuerunt celsitudini
l.4 nostrae qualiter femina quaedam, nomine Aglena, Deo sacrata, res quasdam suae proprietatis per cartarum instrumenta olim sancto Dionisio contulisset, quae res sitae sunt in pago Barinse
l.5 super fluvium Alba, id est villa quae vocatur Cerecius sive Sopinorobore cum omni integritate sua, quae res ei ex parte jugalis sui evenerunt, sed postea per incuriam rectorum ipsius
l.6 ecclesiae per bannum in fiscum regium praefatae res devenere. Petierunt itaque memoratus Franco praepositus et reliqui fratres supradicti monasterii ut easdem res sancto Dionisio
l.7 reddendo restitueremus. Quorum petitionibus tam ob beati Dionisii venerationem quamque etiam aeternae beatitudinis remunerationem libenter annuimus. Unde etiam
l.8 hoc nostrae altitudinis praeceptum fieri et jamdicto coenobio jussimus dari, per quod praedictas res cum omni plenitudine sua reddendo restituimus et perpetualiter sancto Dionisio ut olim
l.9 illi fuerant traditae delegamus, eo videlicet modo ut per singulos annos post diem tricesimum obitus nostri generalem fratres ex jamdicta villa refectionem accipiant, et quod super-
l.10-fuerit ex praedictis rebus rector memorati coenobii prout melius judicaverit ordinet atque disponat. Medietatem denique mercati ebdomadalis quod in praefata villa
l.11 convenit eidem villae adjungimus et sancti Dionisii partibus delegamus necnon etiam colonos, servos et inquilinos seu libertos et accolas tam ibi oriundos quam et aliunde
l.12 translatos, rusticos et urbanos, similiter sancto Dionisio deputamus. Ut autem hujus nostrae auctoritatis praeceptum pleniorem in Dei nomine firmitatis obtineat vigorem,
l.13 manu nostra illud firmavimus et anulo nostro jussimus sigillari.
l.14 SIGNUM KAROLI [monogramme] GLORIOSISSIMI IMPERATORIS AUGUSTI.
l.15 AUDACHER NOTARIUS AD VICEM GAUZLINI RECOGNOVIT (RUCV) [Franco prepositus ambasciavit.] [sceau].
l.16 Data XII kalendas augusti, indictione X, anno XXXVIII regni Karoli gloriosi imperatoris augusti in Francia et imperii ejus secundo. Actum Lingonis civitate. Feliciter in Dei nomine. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 669, n° 281.

TARDIF (Jules), Monuments historiques - Paris, 1866, (Archives de l'Empire. Inventaires et documents), p.135, n° 210.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 482-484, n° 439.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 22 (fac-similé).