Charles le Chauve, roi des Francs, donne à l'abbaye de Saint-Denis les revenus du marché de Cormeilles en Vexin.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. CUM ITAQUE SACROSANCTIS LOCIS BENEFICIA OPORTUNA CONFERIMUS SERVORUMQUE DEI UTILITATIBUS INIBI DEGENTIUM DEOQUE MILITANTIUM
l.2 consulimus, regium quidem morem agimus profuturumque nobis in aeternum confidimus. Proinde omnium sanctae Dei eclesiae fidelium, praesentium ac futurorum, noverit industria quia Gerardus, beatissimi martyris Christi patronique
l.3 nostri domni Dyonisii cum socialite generalitatis decanus pariter et sacerdos, nostram subpliciter petiit magnificentiam quatenus ebdomadale mercatum in pago scilicet Vilcassino, in villa quam Cormellias dicunt convenientem,
l.4 ob amorem et reverentiam praelibati patroni nostri, usibus ac stipendiis fratrum ea condicione atque stabilitate concedere dignaremur qua villam eandem illis perpetim deputavimus. Ejus igitur piae petitioni faventes,
l.5 cunctorum fratrum votis annuimus atque ut petebamur fieri voluimus. Unde hoc praecellentiae nostrae praeceptum fieri illique dari jussimus, per quod memoratum tertia ebdomade feria convenientem absque ullius comitis mercatum
l.6 participatione, sive vicecomitis aut judicis introductione vel etiam cujuscumque rempublicam administrantis respectu, partibus sancti Dyonisii ac fratrum stipendiis delegamus, perpetimque eis statuentes serviendum
l.7 sine cujuspiam refragatione, subducto ablationis metu, sicut et res ipsius villae mancipamus et nostris futurisque seculi temporibus inconvulse eis famulandum mandamus. Ut vero haec largitatis nostrae donatio
l.8 majore firmitatis stabiliatur vigore, manu propria subter eam firmavimus et anuli nostri impressione subter insigniri jussimus.
l.9 SIGNUM [monogramme] KAROLI GLORIOSISSIMI REGIS.
l.10 [chrisme] MANCIO INDIGNUS LEVITA AD VICEM GAUZLENI RECOGNOVI ET [ruche] [sceau].
l.11 Data IIII idus aprilis, indictione II, anno XXVIIII regnante Karolo gloriosissimo rege. Actum monasterio Sancti Dyonisii. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 616, n° 217.

TARDIF (Jules), Monuments historiques - Paris, 1866, (Archives de l'Empire. Inventaires et documents), p.131, n° 204.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 210-212, n° 323.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 4, pl. 39 (fac-similé).