Foulques, vassal de Saint-Denis, échange avec l'abbé Louis, deux terres situées à Bruyères et à Nesles, dans le pays de Chambly.

l.1 [chrisme] Inter quos caritas inlibata permanserit, pars parti beneficia
l.2 sibi mutuo praestat, et nemini minuitur quod alteri ad commoditatem confertur. Quapropter placuit
l.3 atque convenit inter venerabilem abbatem Hludovuicum, ex monasterio Beatorum martyrum Dyonisii, Rustici et Eleutherii,
l.4 necnon et quemdam vasallum ipsius, nomine Fulconem, ut aliquas res, pro ambarum partium oportunitate, inter se commutare
l.5 deberent, quod et fecerunt. Dedit itaque praefatus Fulco partibus sancti Dyonisii, seu Hludovuici abbatis, in loco nuncupante [Brovuaria],
l.6 in pago Camliacense, ex rebus suis propriis, inter sedilia et vinea bunuaria duo, de prato bunuaria duo et aripennos III, de terra arabili
l.7 bunuaria XXX et unum, et dimidium aripennum, de silva bunuaria triginta et sex; et econtra, in conpensatione hujus
l.8 rei, dedit praedictus abba Hludovuicus partibus supradicti Fulconis, ex rebus sancti Dyonisii, in loco nuncupante Nialla,
l.9 in supradicto pago Camliacense, inter sedilia et vinea bunuaria duo, de prato bunuaria duo et aripennos III, de terra
l.10 arabili bunuaria triginta et unum et dimidium aripennum, de silva bunuaria triginta et sex; ea scilicet
l.11 ratione ut quicquid unusquisque ab alio accepit, firmiter teneat atque possideat. Illud quoque inter eos
l.12 stabiliri atque firmari placuit, ut si quispiam, aut ipsi scilicet, aut ex eorum successoribus, seu quaelibet extranea
l.13 persona, contra has commutationes uno conscriptas, modo in aliquo, contra ire aut eas inrumpere tempta-
l.14-verit, illud, quod repetit, non vindicet, et insuper illi cui litem intulerit, unacum distringente fisco, auri
l.15 libras VI, argenti pondera octoginta, multatas componat, et, quod repetit, evindicare non valeat,
l.16 sed presentes commutationes firme et stabiles permaneant. Actum Brovuaria
l.17 villa, ante basilica Beati Viviani, anno XII regnante
l.18 Karolo gloriosissimo rege, sub die III kalendas junias.
l.19 [chrisme] Signum Fulconi qui hanc commutationem fieri et firmare praecepit.
l.20 Signum Teodoldi.
l.21 Signum Leutoni. Signum Fulculfo. Signum Gadelingo. Signum Godebaldo. Signum Teudaldo.
l.22 Signum Magramfredo. Signum Ranthario. Signum Einoni. Signum Vulfaldo. Signum Vuidoni. Signum
l.23 Signum Guirade. Signum Godalharde. Signum Fulcrade. Signum Bettoni. Signum Vuittiguo. Signum Gaudio.
l.24 Signum Irminmaro. Signum Fulcrici. Signum Ragambaldo. Signum Bonefacio.
l.25 Signum Gunthardo vicario.
l.26 Signum Teoderici centenario.
l.27 Signum Gislemodo, centenario.
l.28 VUINIGISUS NOTARIUS, INDIGNUS SACERDOS, SCRIPSIT ET [ruche_notes_tironiennes].