Charles le Chauve, roi des Francs, confirme la donation des domaines de Morancy, Crouy et Trocy situés dans le Beauvaisis, faite par son fidèle Leuto, à l'abbaye de Saint-Denis.

l.1 [chrisme] [notes_tironiennes] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. CUM EA QUAE FIDELIBUS NOSTRIS MUNIFICENTIA LIBERALITATIS NOSTRAE LARGIMUR, QUAE ETIAM IPSI OB AMOREM DEI SANCTORUM REVERENTIAE
l.2 et servorum Christi utilitatibus tradere procurant, nostrae autoritatis precepto secundum eorum petitionem ad devotionem ipsorum confirmare satagimus, Christianorum regum consuetudinem exercemus. Proinde noverit omnium fidelium Dei ac nostrorum,
l.3 presentium scilicet et futurorum, industria quia Leuto, fidelis noster, celsitudinis nostre adiens excellentiam petiit ut res quas ei largitatis nostrae benignitate per nostrae auctoritatis preceptum in proprium tradidimus quasque ipse divinae inspirationis amore conpun-
l.4-tus sancto Dionysio, pretiosissimo patrono nostro, monachisque in ejusdem sancto coenobio consistentibus legaliter tradiderat nostra auctoritate ab eo traditas confirmaremus, quatinus et merces nobis apud Deum per intercessionem jamdicti pretiosissimi protectoris nostri
l.5 et orationes servorum Dei amplior adcresceret et jamdicti fidelis nostri devotioni plenius satisfacere studeremus. Cujus petitioni liberalissime annuentes, per hoc nostrae auctoritatis preceptum easdem res, villas scilicet quae nuncupatur Maurinciagi curtis,
l.6 sitam in comitatu Camliacense super fluvium Isere, cum adjacentiis suis ac pertinentiis, villulas videlicet duas ibidem suprapositas praefato nomine nuncupatas cum ecclesia ibidem sita, et in alio loco, villam nuncupatam Croiacum et in tertio loco,
l.7 in pago in pago Belvacense, in villa quae appellatur Trociacus, mansos duos hoc nostrae confirmationis edito ad prefatam casam Dei eo tenore eaque condicione sicut in donationis vel traditionis carta jamdicti fidelis nostri Leutonis continetur
l.8 traditas vel confirmatas esse concedimus et imperpetuum per futura tempora confirmamus. Et ut haec nostrae confirmationis auctoritas pleniorem in Dei nomine per ventura tempora obtineat firmitatis vigorem, eam manu nostra subter firmare
l.9 decrevimus et anuli nostri inpressione signari jussimus.
l.10 SIGNUM [monogramme] KAROLI GLORIOSISSIMI REGIS.
l.11 [chrisme] RAGEMFRIDUS NOTARIUS AD VICEM HLUDOVUICI RECOGNOVIT ET [ruche] [sceau].
l.12 Data XII kalendas februarii, anno V regnante Karolo gloriosissimo rege, indictione VII. Actum Compendio palatio regio. In Dei nomine, feliciter. Amen.

ligne 7 : "in pago" répété deux fois.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 454, n° 32.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 97, n° 147.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 184-187, n° 65.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 16 (fac-similé).