Charles le Chauve, roi des Francs, donne à un prêtre nommé Hincmar, diverses terres situées dans le Pincerais, données autrefois par Hildegaudus à Charlemagne.

l.1 IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. SI SERVORUM DEI UTILITATIBUS REGIA MUNIFICENTIA PROVIDEMUS, A DEO CONSERVANDI AC SUBLIMANDI
l.2 principatus nostri consuetudinem exercemus, maxime illis ex administrationis nostrae potestate consulentes qui sua pro divino amore contemnentes celestis gratiae contemplationi inservire satagerunt, quoniam propensius ea quae illis committimus
l.3 in divinis officiis expendi confidimus qui sua utilius juxta vocem dominicam sunt largiti. Idcirco noverit omnium fidelium nostrorum, praesentium scilicet et futurorum, industria quia venerabili viro Hincmaro, presbitero, largitatis nostrae
l.4 munificentia quasdam res proprietatis nostrae sitas in pago Pinciacinse in proprium concedimus, quae conjacent in locis quorum sunt vocabula Ad Illum Mansum vel Frotmiri villa seu Toloniacas ac Fraxinido vel ubi et ubi ex eisdem rebus aliquid
l.5 conjacet quasque Hildegaudus [cum uxore suam divae] memoriae domno ac avo nostro Karolo imperatori tradiderat et [nos here]ditaria successione hactenus retinuimus nostraque dignatione in jus et potestatem jamdicti religiosi viri
l.6 Hincmari, per hoc nostrae auctoritatis praeceptum, cum omnibus ad se pertinentibus, tam mansis, terris, vineis, silvis, pratis, pascuis, mancipiis utriusque sexus et aetatis, vel quicquid dici aut nominari potest, de nostra dominatione
l.7 in suam sollemni donatione transfundimus, ita videlicet ut quicquid exinde ab hodierno die et tempore facere, ordinare atque disponere voluerit, jure proprietario in omnibus potiatur arbitrio faciendi.
l.8 Et ut haec auctoritas nostrae largitionis per curricula annorum inviolabilem atque inconvulsum obtineat firmitatem, manu propria nostra subter firmavimus et anuli nostri inpressione
l.9 eam adsignari jussimus.
l.10 SIGNUM [monogramme] KAROLI GLORIOSISSIMI REGIS.
l.11 [chrisme] JONAS DIACONUS AD VICEM HLUDOVUICI RECOGNOVIT ET SUBSCRIPSIT [ruche] [sceau].
l.12 Data II idus augusti, anno V regnante Karolo glorioso regi, indictione VI. Actum in pago Arvernico, in villa Mariscarias. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 467, n° 66.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 96, n° 145.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 161-163, n° 57.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 13 (fac-similé).