Arnoul, roi, donne à l'abbaye Saint-Arnoul de Metz la précaire du médecin Amandus située à Ars-sur-Moselle.

l.1 [chrisme] [notes_tironiennes] IN NO[MINE] SANCTAE ET INDIVIDUAE TRINITATIS, ARNOLFUS, DIVINA [FAVE]NTE GRATIA REX. COGNOSCANT IGITUR OMNES FIDELES NOSTRI TAM PRAESENTES QUAM ET FUTURI,
l.2 quia nos pro Dei amore, cuidam medico sanctae Mettensis ecclesiae, nomine Amando, quasdam res juris nostri titulo nostrae auctoritatis in proprium donavimus, hoc est in comitatu Mettensi necnon Scar-
l.3-ponensi, in villa Arx nuncupata, veluti in suo praecepto continetur, ita ut ipsas res ad sanctum Arnulfum post finem vitae suae traderet consistendas. Tunc etiam placuit ejusdem loci fratribus,
l.4 ut praedicti medici traditione ommissa hoc nostrae liberalitatis dono perficeretur, et per Reginhardi illorum missi ad nostrae dignitatis praesentiam directi admonitionem hoc fieri postulabant. Nos autem voluntati
l.5 eorum libenti animo satisfacientes decrevimus ita fieri, easdemque rex ex integro, id est quicquid praefato medico antea in supramemorata villa contulimus, per hoc praesens muniminis nostri praeceptum, ad
l.6 praedictum sanctissimum Christi confessorem, in usus fratrum ibidem Domino famulantium donamus et tradimus, cum omnibus illuc rite aspicientibus curtilibus et aedificiis, vineis, campis, agris, pratis,
l.7 pascuis, silvis, aquis aquarumque decursibus, viis et inviis, quaesitis et inquirendis, mobilibus et immobilibus, ea videlicet ratione ut ipsi fratres liberrima nunc et deinceps omni tempore
l.8 ex eisdem rebus fruantur potestate prout sibimetipsis placuerit ad suae peculiaritatis utilitatem universa disponere absque illorum rectoris communione vel ullius potestativi ordinis inquietu-
l.9-dine. Et ut haec largitionis nostrae auctoritas nullo umquam tempore ab aliquo violetur calumniatore, sed semper stabilis et inconvulsa perseveret, manu nostra subtus eam roborantes, anulo
l.10 nostro jussimus insigniri.
l.11 SIGNUM DOMNI ARNOLFI [monogramme] INVICTISSIMI REGIS.
l.12 ENGILPERO NOTARIUS AD VICEM ASPERTI ARCHICANCELLARII RECOGNOVI ET [ruche] [sceau].
l.13 Data VII kalendas maii, anno Domini DCCCXCII, indictione VIIII, anno V regni Arnolfi piissimi regis. Actum Reganespurc. In Dei nomine, feliciter. Amen.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 128, n° 35.

KEHR (P.), Die Urkunden Arnolfs, Berlin, 1955 (MGH Diplomata regum Germaniae e stirpe Karolinorum, 3), p. 145-146, n° 100.