Louis le Pieux, empereur, confirme un échange de serfs conclu entre Hilduin, abbé de Saint-Denis, et un personnage nommé Garamanus.

l.1 [chrisme] IN NOMINE DOMINI DEI ET SALVATORIS NOSTRI JHESU CHRISTI, HLUDOVUICUS, DIVINA ORDINANTE PROVIDENTIA IMPERATOR AUGUSTUS. SI ENIM EA QUAE FIDELES IMPERII NOSTRI PRO EORUM OPORTUNITATIBUS INTER SE COMMUTAVERINT NOSTRIS CONFIRMAMUS EDICTIS,
l.2 imperialem exercemus consuetudinem, et hoc in postmodum jure firmissimo mansurum esse volumus. Idcirco noverit omnium fidelium nostrorum tam praesentium quam et futurorum sollertia, quia vir venerabilis Hilduinus, abbas de monasterio Sancti Dyonisii, summus sacri palatii capellanus, ad nostram accedens clementiam innotuit celsitudini nostrae
l.3 eo quod, cum quodam homine, nomine Garamanno, de quibusdam mancipiis pro communi utilitate et conpendio nuperrime commutationem fecisset, datis scilicet de ratione ecclesiae suae Sancti Dyonisii praedicto Garamanno ad suum proprium ad habendum mancipium unum nomine Hemeltrude et acceptis ab eodem Garamanno, ad partem praedictae ecclesiae suae mancipia tria
l.4 his nominibus: Vualtcaudum, Gulbertum et Audinum. Unde et duas commutationes pari tenore conscriptas manibusque bonorum hominum roboratas se prae manibus habere professus est. Sed pro integra firmitate petiit celsitudini nostrae ut ipsas commutationes denuo per nostrum mansuetudinis praeceptum plenius confirmare deberemus. Cujus petitioni
l.5 denegare noluimus, sed sicut unicuique fidelium nostrorum juste petentium ita nos illis concessisse atque in omnibus confirmasse cognoscite. Praecipientes ergo jubemus ut quicquid pars juste et rationabiliter alteri contulit parti deinceps per hanc nostram auctoritatem jure firmissimo teneat atque possideat vel quicquid exinde facere voluerit, libero in omnibus
l.6 perfruatur arbitrio faciendi. Haec vero auctoritas ut per futura tempora pleniorem obtineat firmitatem, de anulo nostro subter jussimus sigillari.
l.7 [chrisme] DURANDUS DIACONUS AD VICEM HELISACHAR RECOGNOVI ET [ruche_notes_tironiennes] [sceau].
l.8 Data kalendis maii, anno Christo propitio VI imperii domni Hludovuici serenissimi augusti, indictione XIIa. Actum Aquisgrani palatio regio. In Dei nomine, feliciter. Amen.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 79-80, n° 112.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/1, pl. 8 (fac-similé).