Charlemagne, roi des Francs confirme à l'abbaye de Saint-Denis la donation par l'abbé Fulrad de biens situés en Alsace, dans le Saulnois et en Alémanie.

l.1 [chrisme] CAROLUS, GRATIA DEI REX FRANCORUM ET LONGABARDORUM AC PATRICIUS ROMANORUM, VIR INLUSTER. SI PETITIONIBUS SERVORUM DEI ET UTILITATIBUS ECCLESIARUM CONSULIMUS ET HOC AD EFFECTUM PERDUCIMUS, RETRIBUTOREM EXINDE DOMINUM
l.2 in futuro habere confidimus. Igitur cognoscat utilitas seu sagacitas omnium fidelium nostrorum tam praesentium quam et futurorum, quia fidelis et venerabilis abbas noster Folleradus de basilica peculiaris patronis nostri Domni Dionisii martyris et sociorum
l.3 ejus Rustici et Eleutherii accessit ad clementiam nostram depraecans et petens, ut praeceptum auctoritatis et confirmationis nostrae ei tale fieri et adfirmari ex omnibus rebus suis dignaremur, qualiter praedicta sancta basilica supradictorum martyrum Dionisii et sociorum
l.4 ejus perenni tempore in nostra et sua elemosina perpetua observatione ipsas res tenere et possidere debeant, sicut in puletis et cartis ipsius Folleradi plenius descriptum habetur, videlicet in pago Halsacinse, cellam Sancti Alexandri, ubi ipse corpore requiescit, cum omnibus appendiciis et pertinen-
l.5-tia sua, cum rebus et mancipiis utriusque sexus vel ubi et ubi consistentibus, necnon et aliam [cellam] quae dicitur Salona, in pago Salnense, cum omnibus rebus et mancipiis ad se pertinentibus, cum Blithario villa super fluvium Saroa et Blesa cum rebus et mancipiis ubi et ubi commanentibus et perti-
l.6-nentibus vel quicquid in ipsis pagis tenere et possidere videtur ex donatio nostra et aliorum regum vel bonorum hominum; similiter in ducatu Alamannie, cellam quae vocatur Hairbertingas cum rebus et mancipiis ad se pertinentibus et aliam cellam nomine Ezilingas et Adalungo cellam similiter et Gamundias cum
l.7 quicquid ad ipsas cellas aspicere et pertinere legitimo ordine cernitur et comprobatur. Denique postulavit jamdictus Folleradus abbas, ut illi et successoribus suis, ubicumque vel in quoscumque pagos valuerint et invenerint oportunitatem res et mancipia comparandi, commutandi vel ex quocumque ingenio impetrare
l.8 potuerint, licentiam et auctoritatem deinceps ex parte nostra semper habeant. Haec autem omnia superius denominata, tam de donationibus regum quam et de bonorum hominum traditionibus vel de qualibet attractu ad ipso Follerado dinoscitur pervenisse, ad praefatum Sancti Dionisii monasterium vel monachorum sti-
l.9-pendia et luminaria aecclesiae et susceptionem hospitum ac pauperum omnimodis delegamus atque perpetualiter in omnibus confirmamus, sicut in testamentis ipsius Folleradi abbatis continetur et in privilegio domni Leonis apostolici plenius sub vinculo anathematis scriptum habetur. Constituimus
l.10 etiam, ut in perpetua memoria anniversarium nostrum ex his rebus et praedicti Folleradi abbatis omni anno facere et custodire studeant, qui ipsas cellas et rebus in providentiam habuerint, et si hoc pretermissum fuerit, a Deo sibi requirere sciant, qui hoc neglexerint vel abstraxerint; qui vero observaverint et
l.11 custodierint, mercedem ac retributionem a Domino nobiscum habere mereantur. Et ut melius ipsa sancta congregatio pro nobis, conjuge et omni progenie nostra in futurum nascitura et pro omni imperio nostro Domini misericordiam et ipsorum sanctorum valeant attentius exorare, hanc nostram auctoritatem et confirmatio-
l.12-nem in Dei nomine manu propria subter firmavimus et de anulo nostro sigillari fecimus.
l.13 SIGNUM [monogramme] CAROLI GLORIOSISSIMI REGIS.
l.14 [chrisme] VUIGBALDUS RECOGNOVIT ET SUBSCRIPSIT [ruche] [Vuigbaldus ad vicem Hitherii recognovit et subscripsit]. Bene valete.
l.15 Datum XVI kalendas octobris, anno XIIII et octavo regnante domno nostro Carolo gloriosissimo rege. Actum palatio Duria publico. In Dei nomine, feliciter. Amen, [amen].

MÜHLBACHER (E.), Die Urkunden Pippins, Karlmanns und Karls des Grossen, Hanovre, 1906 (MGH Diplomata Karolinorum, 1), p. 329-331, n° 238.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 1, pl. 39 (fac-similé).