Fulrad, abbé de Saint-Denis, donne le domaine d'Ansulsihaim au monastère de Liepvre qu'il avait fondé.

l.1 [chrisme] Terminum vitae pertimesco, quando de hoc saeculo sum migraturus, ut aliquid de peccatis meis per confessionem et largitionem mearum pecuniarum divina propitiatio atque
l.2 miseratio suo sancto examini presentato relaxare immensa benignitate ac misericordia non dedignetur, si videlicet census meae temporali utilitati Domini dispositione creditus mea propria largitione, dum
l.3 adhuc Deo adjutore vita manet ac incolomitas perseverat, ȩcclesiis Dei sanctorumque ipsius locis sacrosanctis ac venerabilibus, viduis quoque ac peregrinis pauperibusque undecumque ad ecclesiam Dei confluentibus proficiat
l.4 condonatus, ut Dominus per suam misericordiam et sanctorum intercessionem orationesque pauperum ac servorum Christi in celesti vita sortem ac societatem merear sanctorum. Unde ego Foleradus, in Dei nomine, sacerdos
l.5 indignus, Riculfi et Ermengardis filius, dono atque in perpetuum donatum cupio quandam juris mei villam Ansulsishaim, cum omnibus superpositis et ad se pertinentibus tam in edificiis quam in terris,
l.6 cultis et incultis, aquis, pascuis, exitibus et reditibus universis et omni supellectile sua, cum servis et mancipiis utriusque sexus, ad nomen sancti et gloriosi Christi martyris Alexandri, ad locum ipsius quod nominatur
l.7 Lepraha, situm in pago Alsacinse, infra forestem quȩ nuncupatur Vosago, ut ex denominata scilice villa Ansulsishaim, in eodem pago, sita super fluvium Mortonovia, quamque constat ex donatione
l.8 dulcissimȩ sororis meae Vualdradanȩ mihi contigisse, habeant previsores denominati loci previsores atque rectores sufficientes sibi sumtus ad ea quȩ pertinere videntur circa luminaria ipsius Sancti Alexandri
l.9 basilicȩ et ad diversos cultus et ornatus ipsius et in his quȩ aedificanda vel restauranda sunt in diversis officinis prefati loci prefatam jure perpetuo deputamus villam et sumptus ejus, uti per regiȩ auctoritatis
l.10 testamento nostram donationem ex hac prescripta villa et aliis infra ipsum pagum constitutis, hoc est Fredishaim, Undinishaim, Mauchinhaim, Benisthaim, quam partibus meȩ possessionis cum suis appenditiis tradidit
l.11 Crothardus vir illuster et mihi familiarissimus; sed et alias multas villas infra preceptum regium insertas prefato loco nostra petitione et regia dignatione factum, per quod etiam denominatum sancti Alexandri locum partibus
l.12 monasterii venerabilis et piissimi protectoris nostri domni Dionisii, cujus abb[atiȩ Deo a]nnuente et regia auctoritate nobis favente curas gerere et res ordinare videmur, dudum speciali largitione, semota cujuspiam
l.13 abbatis dominatione, subjugare cum regio precepto immo apostolico privilegio procuravimus. Denique hujuscȩ nostrȩ donationis testamentum regalibus visibus placuit exibere ob majoris firmitatis indicium et ut ipsius auctoritate
l.14 simul et propriis manibus roboraretur et pleniorem per succedentia temporum curricula vigorem habere videretur. Per quod omnibus interdicentes, ne quis videlicet ex presentibus sive de futuris aliquid ex denominata villa usibus suis
l.15 deputare aut quippiam demere aut mutuare presumat, sed prefata villa denominato Sancti Alexandri loco in diversis utensilibus suis simul et officinis tam eclesiasticis quam monasterialibus cum omnibus quae inibi donavimus
l.16 perpetua lege maneat atque deserviat. Quod si quis presumpserit, iram omnipotentis Dei in primis incurrat et nodum perpetuȩ maledictionis ab ipso Deo alienatus et anathematizatus non evadat et in suam dampnationem diabolum
l.17 cum suis apostaticis ministris semper inveniat, et quod repetit non evindicet, sed contra cui litem intulerit, auri libras L argenti pondera CCCCC multatus componat et presens donatio regalibus manibus roborata firma
l.18 et inconvulsa omni tempore permaneat. Actum publice Haristalio, anno nono et quarto regnante Carolo gloriosissimo rege Francorum et Langobardorum atque patricio Romanorum, cum stipulatione subnixa. [colonne1] [croix] Signum Teoderici comitis. [croix] Signum Vulfardi. [croix] Signum Fularadi. [croix] Signum Baldulfi. [croix] Signum Fulradi. [croix] Signum Teodulfi. [colonne2] [croix] Signum Hadtritao. [croix] Signum Chrodonis. [croix] Signum Hartgeri. [croix] Signum Hildradi comitis. [croix] Signum Rotlani comitis. [colonne3] [croix] Signum Gislemari. [croix] Signum Hainrici. [croix] Signum Harihardi comitis. [croix] Signum Herleberti. [croix] Signum Nivonis. [colonne4] [croix] Item signum Hildradi comitis. [croix] Signum Anselmi comitis palatii. [croix] Signum Richau. [croix] Signum Richardi. [croix] Signum Gundacri. [croix] Signum Godonis.
l.19 SIGNUM KAROLI [monogramme] GLORIOSISSIMI REGIS.
l.20 [chrisme] Ego Audacrus, jussus et ordinatus a domino meo Fulrado, scripsi et subscripsi [ruche] [sceau].

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 62, n° 79.

TANGL (Michael), Das Testament Fulrads von Saint-Denis, in Neues Archiv, 32(1906), p. 169-217, p. 215-217 (fac-similé pl. D).

STOCLET (Alain), Autour de Fulrad de Saint-Denis : vers 710-787, Paris : Champion, 1993, (Hautes études médiévales et modernes; 72), p. 5-57 (étude) et 476-478.