Charlemagne, roi des Francs, donne à Saint-Denis le monastère de Saint-Dié dans les Vosges.

l.1 [chrisme] CAROLUS, GRATIA DEI REX FRANCORUM, VIR INLUSTER. QUICQUID ENIM AD LOCA ECCLESIARUM DEI BENIVOLA DEVOTIONE CONCEDIMUS, HOC NOBIS AD SALUTEM ANIMAE NOSTRAE PROFICERE CREDIMUS, MAXIMAE AD ILLA LOCI, UBI PARENTES NOSTRI
l.2 requiescere videntur, hoc adimplere studemus. Quapropter notum sit omnibus fidelibus nostris praesentibus et futuris, eo quod nos ob amorem Dei et mercedis nostrae augmentum donamus ad casa Sancti domni Dyonisii martyris, ubi ipse pretiosus domnus cum sanctis
l.3 sociis suis in corpore requiescit et domnus et genitor noster Pippinus, rex, requiescere videtur et nos, si Domino placuerit, sepelire cupimus, donatumque ibidem ad ipso sancto loco esse volumus et, ubi Folleradus, abbas et custos, praeesse dinoscitur, hoc est monasteriolo
l.4 aliquo, qui nuncupatur ad sancto Deodato, infra Vosago silva, sicut eum domnus et genitor noster Pippinus in sua vestitura tenuisse conprobatum est, ea videlicet ratione ut semper ipsi fratres decem aut quindecim per vices ibidem ipsum locum custodire debeant et
l.5 ibi assiduae in psalmis et missas et ceteris obsecrationum orationibus vel peculiares orationes pro nobis et pro domno adque glorio[so] genitore nostro Deum preces exorare die et nocte non desistant. Propterea hanc praeceptionem nostram ad ipsa casa Sancti et
l.6 domni Dyonisii conscribere jussimus, ut ab hanc die rectores ipsius monasterii pra[e]fato monasteriolo cum omnibus ad se pertinentibus ex nostra indulgentia praesentaliter recipiant ad possidendum, ita ut deinceps ipsum locum habeant vel teneant
l.7 absque ullius contrarietate vel calumnia. Et ut haec nostra praeceptio vel confirmatio aevis et futuris temporibus firma et stabilis perdurare debeat, manu propria subter decrevimus roborare et de anulo nostro sigillare jussimus.
l.8 SIGNUM [monogramme] CAROLI GLORIOSISSIMI REGIS.
l.9 [chrisme] HITHERIUS RECOGNOVI ET SUBSCRIPSI [ruche_notes_tironiennes] [sceau]. [Be]ne [valeat].
l.10 Data idus januarias, anno primo regni nostri. Actum Aquis palatio publico. In Dei nomine, feliciter. Amen.

DOUBLET (Dom J.), Histoire de l'abbaye de Sainct-Denys en France, Paris, 1625, p. 704.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 52-53, n° 63.

MÜHLBACHER (E.), Die Urkunden Pippins, Karlmanns und Karls des Grossen, Hanovre, 1906 (MGH Diplomata Karolinorum, 1), p. 81-82, n° 55.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 1, pl. 34 (fac-similé).

CHARTAE LATINAE Antiquiores, Olten, puis Zurich, 1954-, t. 15, p. 63-65, n° 608 (fac-similé p. 64-65).