Pascal II, pape, confirme à l'abbaye Saint-Victor de Paris, la libre élection de son abbé ainsi que les donations du roi Louis.

l.1 PASCHALIS, EPISCOPUS, SERVUS SERVORUM DEI, DILECTIS FILIIS GUILDUINO, PRIORI, ET EJUS FRATRIBUS IN AECCLESIA SANCTI VICTORIS SECUS PARISIUS CANONICAM
l.2 VITAM PROFESSIS, TAM PRESENTIBUS QUAM FUTURIS IN PERPETUUM. Religiosis desideriis dignum est facilem prebere consensum, ut fidelis devotio celerem sortiatur effectum.
l.3 Filius siquidem karissimus noster Ludovicus illustris Francorum rex pro sua et patris sui anima vestram aecclesiam suis beneficiis donans, nostra hȩc petiit auctoritate firmari.
l.4 Statuimus ergo, ut canonicȩ observantiȩ disciplina prestante Domino in vestra semper aecclesia conservetur. Obeunte autem vestrȩ congregationis abbate, libera
l.5 vobis eligendi abbatis facultas maneat, omni secularis potestatis contradictione seposita. Porro villas, predia et cetera beneficia que supradictus rex
l.6 de suo jure vestris usibus delegavit, nos vobis vestrisque successoribus in perpetuum possidenda sanccimus. Villam scilicet Puteolis in territorio Nantonensi, cum
l.7 servis et ancillis, cum feodis militum, cum terris cultis et incultis, cum vineis et silvis, cum omnibus ad eam pertinentibus, in qua mercatum per singulas ebdomadas fiat, aquam etiam
l.8 quȩ proxima est eidem villȩ, quȩ scilicet aqua Essonia vocatur, sicut ab eodem rege possidebantur. Orgeniacum in territorio Milidunensi, cum servis et ancillis,
l.9 et ceteris omnibus quȩ idem rex ibidem possidebat unum etiam ex molendinis regiis, apud veteres Stanpas apud Corbellas juxta castrum Nantonis viginti
l.10 arpentias pratorum, et viaturam de Bussiacho, quam idem rex a Tescelino Bunocensi comparavit, et quicquid apud idem Bussiachum, quod juxta Liricantum situm
l.11 est, habebat Buciachum insuper villam quȩ in territorio Aurelianensi sita est, cum servis et ancillis, et cum omnibus appendiciis suis. Apud Fontaneteum in terri-
l.12-torio Parisiensi, terram duabus carrucis sufficientem, et quinque hospes et decem solidos census in eadem villa partim a predictis hospitibus, partim ab
l.13 alia terra, et ibidem torcular unum et dimidium cum pressuris ad ea pertinentibus. Apud Musteriolum quod est juxta idem Fontanetum, terram unius
l.14 carrucȩ cum uno hospite. Apud Vriacum villam medietatem possessionis cum servis et ancillis, quam Philippus Francorum rex, prefati Ludovici pater,
l.15 a canonicis Sancti Severini in villa Nantonis, quarumdam consuetudinum, quas apud Brolium ipsorum villam tenuerat, remissione commutavit. Item
l.16 apud predictum Vriachum terram ad fiscum pertinentem. Item corvatas apud Brolium ter in anno. Item terram regii juris in Amponivilla.
l.17 Confirmamus etiam vobis ea quȩ a confratre nostro Dainberto Senonensi archiepiscopo concessa sunt, videlicet aecclesiam sanctȩ Mariȩ de Puteolis et altare
l.18 de Amponivilla, cum toto atrio et cum medietate magnȩ decimȩ, panes etiam ad altare de Esragosa pertinentes. Quȩcumque preterea in futurum
l.19 concessione pontificum, liberalitate principum, vel oblatione fidelium, juste atque canonice poteritis adipisci, firma vobis vestrisque successoribus et illibata
l.20 permaneant. Decernimus ergo ut nulli omnino hominum liceat predictam aecclesiam vestram temere perturbare aut ejus possessiones auferre, vel ablatas
l.21 retinere, minuere, vel temerariis vexationibus fatigare, sed omnia integra conserventur, eorum pro quorum sustentatione et gubernatione concessa
l.22 sunt, usibus omnimodis profutura, salva canonica Parisiensis episcopi reverentia. Si qua igitur in futurum aecclesiastica secularisve persona, hanc nostrȩ
l.23 constitutionis paginam sciens, contra eam temere venire temptaverit, secundo tertiove commonita, si non satisfactione congrua emendaverit, potestatis
l.24 honorisque sui dignitate careat, reamque se divino judicio existere de perpetrata iniquitate cognoscat, et a sacratissimo corpore ac sanguine Dei et
l.25 Domini redemptoris nostri Jhesu Christi aliena fiat, atque in extremo examine districtȩ ultioni subjaceat. Cunctis autem eidem loco justa servantibus
l.26 sit pax Domini nostri Jhesu Christi, quatenus et hic fructum bonȩ actionis percipiant, et apud districtum judicem premia aeternȩ pacis inveniant. AMEN. AMEN. AMEN.
l.27 [rota] Ego Paschalis catholicȩ ecclesiȩ episcopus [subscripsi] [benevalete]
l.28 Datum Laterani, per manum Johannis sanctȩ Romanȩ ecclesiȩ diaconi cardinalis ac bibliothecarii, kalendis decembris, indictione VIIIa, incarnationis dominicȩ
l.29 anno MoCXIIII, pontificatus autem domni Paschalis secundi papȩ anno XVIo.
l.30 [sceau].

JAFFE-LOEWENFELD, n° 6412.

LOHRMANN (Dietrich), Papsturkunden in Frankreich. Neue Folge. 8 Band : Diözese Paris I, Göttingen, 1986 (Abhandlungen der Akademie der Wisseschaften von Göttingen, philologisch-historische Klasse, 3. Folge, 174), p. 143-145, n° 2.