Pascal II, pape, confirme à l'abbé Guillaume de Marmoutier la possession des églises de Loviniacum, Sainte-Marie de Fougères, l'église Saint-Médard de Dolon, l'église Sainte-Radegonde, l'église Sainte-Croix et l'église Sainte-Marie de Foresta édifiée par le comte Alain.

l.1 PASCHALIS, EPISCOPUS, SERVUS SERVORUM DEI, DILECTO FILIO GUILIELMO, ABBATI MAJORIS MONASTERII,
l.2 SALUTEM ET APOSTOLICAM BENEDICTIONEM. Apostolicȩ sedis auctoritate debitoque compellimur, religiosorum locorum
l.3 quieti auxiliante Domino providere. Ea propter petitionibus tuis fili in Christo karissime non immerito duximus
l.4 annuendum, ut aecclesias et aecclesiarum possessiones quas vel a diutinis temporibus monasterium vestrum possedit
l.5 vel nostro tempore ab episcopis parochiarum vestra prudentia acquisivit, tam tibi quam successoribus tuis et per vos
l.6 beati Martini Majori monasterio confirmemus. Per presentis igitur decreti paginam statuimus, ut
l.7 aecclesia de Loviniaco cum pertinentiis suis, et aecclesia sanctȩ Mariȩ de castro Filgeriensi cum aecclesiis ad eam
l.8 pertinentibus et earum pertinentiis in episcopatu Redonensi, et item in episcopatu Namnetensi ȩcclesiam sancti Medardi
l.9 de Dolon cum aecclesiis et ceteris ad eam pertinentibus, aecclesiam Sanctȩ Radegundis, et aecclesiam sanctȩ Crucis
l.10 cum pertinenciis earum, nichilominus aecclesiam Sanctȩ Mariȩ de Foresta cum decimis et pertinentiis suis,
l.11 quȩ a vobis aedificata est, in foresta per Alanum comitem, et ejus conjugem Hermingardam, et filios
l.12 Conanum et Gaufredum data, quietȩ semper et liberȩ in Majoris monasterii vestri possessione permaneant.
l.13 Nec alicui facultas sit aut hȩc quȩ supranominata sunt, aut alia ad ipsum monasterium pertinentia
l.14 subtrahere, auferre vel dolis aut ingeniis quibuslibet alienare. Si quis autem quod absit huic nostro
l.15 decreto temere contraire temptaverit, honoris et officii sui periculum patiatur, aut excommuni-
l.16-cationis ultione plectatur, nisi presumptionem suam digna satisfactione correxerit.
l.17 Ego Paschalis catholicȩ ecclesiȩ episcopus subscripsi.
l.18 Datum Laterani, per manum Johannis sanctȩ Romanȩ ecclesiȩ diaconi cardinalis ac bibliothecarii, XVI kalendas maii, indictione Va, incarnationis
l.19 dominicȩ anno M°CXII°, pontificatus autem domni Paschalis secundi pape XIIIo.

1

JAFFE-LOEWENFELD, n° 6321.

LA BORDERIE (Arthur de) et LA BIGNE DE VILLENEUVE (Paul de), Chartes du prieuré de la Sainte-Trinité de Fougères, dans Bulletin archéologique de l'association bretonne, 3 (1851), p. 178-201 et 236-250, p. 198, n° 14.