Marbode, évêque de Rennes, donne aux moines de Saint Mélaine de Rennes l'église [Notre-Dame] de Vitré avec les églises qui dépendaient de ses chanoines.

l.1 Ego Marbodus Dei gratia Redo[ne]nsis episcopus ad futurorum noticiam scribere dignum duxi quod et sancte Redonensi sedi
l.2 et Vitreacensi ecclesiȩ utile sit memoriter retinere. Cum ab antiquo in ecclesia Vitreacensi [insti]tuti essent canonici,
l.3 et ille ordo usque ad nostra tempora perseverasset, canonici qui nostro tempore supererant, incautius quam
l.4 honestius se habentes, ad hoc peccatis exigentibus deciderunt, ut principibus terre odibiles, nobis incor-
l.5-rigibiles haberentur. Hinc ordo confusus, facultates ecclesie dissipate, numerus clericorum adeo imminutus
l.6 erat, ut tres tantum in ecclesia remansissent. Ego igitur communicato cum honestis tam ecclesiasticis, quam
l.7 secularibus personis consilio, ne tanta ecclesia diutius suo ministerio fraudaretur, rogatus etiam a dominis
l.8 castelli Andrea et filiis ejus, et ceteris baronibus castri, in elemosinam sempiternam donavi eandem ecclesiam cum
l.9 facultatibus, et terris, et burgis, et possessionibus, et omnes reditus ecclesiarum quas canonici tenebant, scilicet ecclesiam
l.10 Sancti Petri, et ecclesiam Sancti Martini in eodem castro, ecclesiam de Balazei, et de Mecei, et Sancti Desiderii, et ecclesiam Sancti Simphoriani
l.11 in villa Redonensi, religiosis et dilectis filiis nostris monachis Sancti Melanii, salvo per omnia jure et dignitate sancte
l.12 Redonensis ecclesie. Hoc donum meum laudavit et voluit et ex parte sua fecit Conanus dux Britannie, filius Alani
l.13 Fergant, et mater ejus Ermengart comitissa. Laudaverunt nichilominus et firmaverunt donum meum archidiaconi nostri
l.14 Mainus, et Rogerius, et unanimis conventus canonicorum nostrorum, quorum nomina hec sunt, Mainus cantor,
l.15 Joscedus thesaurarius, duo Radulfi prepositi, Withenocus capellanus episcopi, Radulfus Gertranni, Mainfinitus Hugonis,
l.16 Willelmus, Alanus, Petrus. Statuerunt postmodum monachi cum domino Andrea, et in presentia comitis et mea firmaverunt
l.17 quod omnia que in dominio ejusdem Andree, in obedientiis et possessionibus habebant, ad ecclesiam Sancte Marie verterentur,
l.18 ut conventus et ordo ibi teneretur. Actum hoc in capitulo beati Petri Redonensis, anno ab incarnatione Domini
l.19 MCXVI, indictione VIIII, Paschali II papa, Ludovico Philippi rege Francorum, Conano supradicto comite. [sceau].

MORICE (Dom P.H.), Mémoires pour servir de preuves à l'histoire ecclésiastique et civile de Bretagne, 2 vol., Paris, 1742-1744, t.1, col. 531-532 (éd. partielle).

MIGNE (abbé Jacques-Paul), Patrologia Latina 171 (Hildebertus Cenomanensis, Marbodus Redonensis), Paris 1854, col. 1781-1782.