Raoul, cède aux moines de Marmoutier un lieu près du château de Fougères dans un méandre du Nauso où ils pourront faire une église et des habitations ainsi que la permission de faire un bourg au chef du pont sur le Nauso.

l.1 QUISQUIS FIDELIUM ARDORE SUCCENSUS ADIMPLENDE PRECEPTIONIS EVANGELICAE
l.2 qua cuncti divitias habentes misericorditer admonentur facere sibi de mammona iniquitatis amicos
l.3 a quibus cum defecerint in aeterna tabernacula recipiantur, omnium necessitatibus communicare studuerit indigentium
l.4 prȩcipueque pauperum spiritu, quorum juxta veritatis vocem regnum dinoscitur esse caelorum ut deficiens ab hujusmodi
l.5 videlicet amicis in mansiones excipiatur aeternas, noverit se indubitanter non solum a sui receptione non esse
l.6 frustrandum, sed etiam ab ipso omnium bonorum largitore qui ei contulit unde sibi tales faceret amicos se esse
l.7 inter gloriosiores beatitudinis aeternȩ premia percepturum. Hujus rei consideratione ego Radulfus
l.8 seculari miliciȩ mancipatus sollicitatus disposui aliquid ex his quȩ temporaliter accepi per manus pauperum fideli
l.9 Deo lege fenoris committere, quod post tempus in aeterna retributione centena merear multiplicatione recipere.
l.10 Quod ut probabilius fieri possit, illud egregium pauperum genus elegi ad hoc faciendum quod ut liberius expeditiusque
l.11 Deo serviret, propriis abrenuncians facultatibus voluntariam subiit paupertatem. Igitur fratribus his qui in Turonensi
l.12 coenobio quod Majus monasterium dicitur omnipotenti Deo pro posse sub BARTHOLOMEO abbate famu-
l.13-lantur concedo quendam locum apud Falgerias castrum constitutum intra ambitum cujusdam fluminis nomine Nausonis
l.14 satis aptum et idoneum propter amoenitatem suȩ pulcritudinis ad habitationem monachorum, in quo loco habeant libertatem
l.15 faciendi aecclesiam et domos ad habitandum qualitercumque eis placuerit meliusque visum fuerit, sicut monasticus ordo exigit,
l.16 addita quoque licentia faciendi burgum a capite pontis supradicti fluminis inantea per totam planitiem quantum capacitas
l.17 hujus loci suffere poterit, expulso mercato quod ibi colligebatur unaquaque die sabbati. Addo etiam huic dono alia,
l.18 quȩ possideo, id est unum stangnum cum molendino non longe remotum ab isto loco, necnon et terram unius carrucȩ apud Mansum
l.19 Piceatum quod est situm in monte qui supereminet predicto castro, addita quoque alia terra unius carrucȩ quȩ est apud Ternerias
l.20 et terram alterius carrucȩ apud Hilduini mansile. Simili quoque modo annuo predictis monachis decimam omnium
l.21 qui videntur exire de mercato per totum circuitum anni, et medietatem feriȩ quȩ colligitur annuatim apud prefatum
l.22 castrum octavis Pentecosten, decimam quoque feriȩ quȩ est in Purificatione sanctȩ Mariae [...].

LA BORDERIE (Arthur de) et LA BIGNE DE VILLENEUVE (Paul de), Chartes du prieuré de la Sainte-Trinité de Fougères, dans Bulletin archéologique de l'association bretonne, 3 (1851), p. 178-201 et 236-250, p. 186-187, n° 4 (édition partielle).

MAZEL (F.), LE HUËROU (A.), « Actes de l’abbaye de Marmoutier concernant le prieuré de la Trinité de Fougères, XIe – XIIe siècles : édition et traduction », in Annales de Bretagne et des Pays de l’Ouest, t. 113, n° 3 (2006), p. 137-165, p. 138-142, n° 1.