Robert [II le Pieux], roi de France, donne à cens à trois moines de Marmoutier un emplacement avec une petite maison sise hord des murs d'Orléans, dans le bourg Dunois. Les moines devront payer au roi douze deniers d'argent chaque année.

l.1 [chrisme] In Christi nomine, Rotbertus, gracia Dei rex, notum esse volo cunctis fidelibus sanctae Dei ecclesiae curam gerentibus quia postulaverunt me quidam
l.2 ex monachis Sancti Martini Majoris Monasterii, nomine Gausbertus et Ulgerius et Warnerius, ut eis aream con casuale ad censum concederem,
l.3 quod ita et feci. Quae est in prospec foris muros Aurelianis civitatis, in burgo Dunensi, super terram Sancti Victoris, in loco qui dicitur Vinea, habet ipsa area
l.4 in lungum pedes manuales LXVII, in traversum ab uno fronte pedes XXXX, et ab alio fronte ex via pedes XXXX, terminatur a duabus
l.5 partibus ipsa terra et a duabus viis publicis. Infra has terminaciones prefatam rem eis ad censum concedo, ea racione ut in censu annis singulis, mense maio,
l.6 missa sanctae Crucis, argenti denarios XII exolvant, et si de eodem censu in exolvando tradi aut neglegentes extiterint, fidem inde faciant
l.7 et prefatam rem non perdant ampliusque eis non requiratur nisi quod superius est insertum. Dedi eis etiam licenciam dandi, vendendi, salvo jure sicut
l.8 mos istius pagi est. Haec vero cartula ut firmior sit, manu propria subter firmavi.
l.9 [croix] S. Rotberti, regis. S. Ainriici filii ejus. S. Odoni comitis, Hilduini comitis Burcardi de Monte Morentii.
l.10 S. Wauterii cantoris Sancti Martini.
l.11 [chrisme] Datum in minse marcio, anno II regnante Ainrico rege. [chrisme] Benzo levita.

SOEHNEE (F.), Catalogue des actes d'Henri I^er, roi de France (1031-1060), Paris, 1907 (Bibliothèque de l'Ecole des Hautes Etudes, sciences historiques et philologiques, 161), p. 9-10, n° 2.

SOYER (J.), Les actes de souverains antérieurs au XIVe siècle conservés dans les Archives départementales du Loiret, in Le Bibliographe Moderne, t. 20 (1920-1921), p. 157-158, n° 1.

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 97, n° 77.