Robert, évêque de Langres, concède aux moines de Fleury l'église de Dannemoine et leur confirme la possession de l'église de Vezannes. Les moines devront acquitter les droits de synode et de visite et rendre annuellement deux setiers d'huile à l'autel de Notre-Dame en la tour de l'église de Langres.

l.1 IN NOMINE SANCTE ET INDIVIDUE TRINITATIS.
l.2 Ego Robertus, Dei gratia Lingonensium episcopus, notum volo fieri omnibus sanctȩ Dei ecclesie fidelibus qualiter monachi Floriacensis cenobii, in honore sancte MARIȨ
l.3 constructi, ubi beatus Benedictus corpore requiescit, nostram humiliter clementiam deprecantes quatinus, respectu divine misericordie, ecclesiam Donnemonie a nostra
l.4 pietate sibi dari, inpetrarent. Quorum racionabilibus precibus adquiescentes, concedimus eis nostre auctoritatis scripto, consensu et laude nostrorum canonicorum, scilicet
l.5 Lingonensis ecclesie, atque ceterorum fidelium, predictam ecclesiam Donnemoniȩ perpetuo possidendam et aliam eis ecclesiam confirmamus, videlicet Vesambliensis villȩ
l.6 in honore sancti Cirici consecratam, eo tenore ut annis singulis sinodum et paratas statutis reddant temporibus et uno quoque anno duos sextarios olei
l.7 ad altare sanctȩ MARIE, quod est in turre Lingonensis ecclesiȩ, in kalendis martii persolvere non neglegant. Si vero uno anno vel sterilitate vel ne-
l.8-glegentia persolvere distulerint in alio restituant; quod si reddere neglexerint in jus nostrum et successorum nostrorum predictȩ ecclesiȩ redeant. Ut autem
l.9 firmiorem hȩc nostra concessio obtineat vigorem, hanc cartam inde fieri jussimus quam manu propria firmando manibus canonicorum nostrorum ecclesie Lingonensis
l.10 seu aliorum fidelium confirmandam tradidimus. S. Amalrici decani. S. Lanberti archidiaconi. S. Girardi archidiaconi. S. Hugonis archidiaconi. S. Norgaudi archidiaconi. S. Warnerii
l.11 archidiaconi. S. Girardi decani. S. Widrici decani. S. Theoderici decani. S. Gilleberti decani. Acta sunt hȩc Lingonis, anno ab incarnatione Domini millesimo [octuagesimo]
l.12 octavo, regnante Philippo rege anno XXXo, indictione XIa, Stephano cancellario [sceau].