Baudri, abbé de Saint-Pierre de Bourgueil, règle un litige entre son monastère et les moines de Saint-Mesmin concernant des droits sur plusieurs églises.

l.1 In nomine domini nostri domini nostri Jhesu Christi. Ego Baldricus gratia Dei abbas Sancti Petri Burguliensis, notum fieri volo tam futuris quam presentibus, maxime ad quos res ista pertinere vi-
l.2-debitur, contentionem quandam inter ȩcclesiam nostram et monachos Sancti Maximini de ȩcclesia Sancti Marcelli que est propre Aurelianim civitatem ultra Ligerim, Deo favente inter nos in
l.3 presentia domni Aurelianensis episcopi Johannis secundi et clericorum suorum ita terminatam. Convenit igitur inter nos ut ex proprio suo aliquid ȩcclesiȩ nostrȩ conferrent. Contulerunt autem in flu-
l.4-vio Malva dimidium molendinum nomine Espaillart, ita quietum ut censum medietati debitum nos redderemus, et molendinum sine controversia aliqua reficeremus, et molen-
l.5-dinarium communiter mitteremus et eiceremus, insuper et quicquid lucri esset per medium divideremus. Si autem altera pars partem suam vel vendere vel in vadimonium mitte-
l.6-re voluerit, alteram partem premoneat, et pars premonita molendinum si voluerit retineat. In ȩcclesia quoque beati Lifardi reditus prebende dimidiȩ integerrimȩ per omnia ita ut de com-
l.7-muni prebenda deserviatur, et reliqua omnia aequaliter parciamur, excepto quod ad festivitatem sancti Lifardi, nos Burgulienses ipsis tres solidos dabimus, ad adjutorium sumptu-
l.8-um quos ad processionem venientes expendent. Nos vero vel famuli nostri a monachis Sancti Maximini premoniti, annonam in granario Sancti Lifardi accipiemus, et vinum et denarios
l.9 sicut et ipsi ubi a canonicis dividentur. Monachi tamen Sancti Maximini tantum canonici vocabuntur. Dederunt etiam nobis quinque arpennos terrȩ vel quantulacunque terra illa est
l.10 quȩ est juxta Papesach. Hȩc omnia dederunt nobis supradicti monachi, ita ut omnibus diebus ista quietent nobis, et per bonam fidem hanc concordiam nobiscum teneant.
l.11 Concessit etiam nobis domnus Aurelianensis episcopus Johannes secundus ut si monachi Sancti Maximini aliquando Aurelianensi sedi aliqua occasione infesti fuerint, domnus tamen episcopus
l.12 vel Sanctȩ Crucis vel Sancti Lifardi capitulum pro quolibet forisfacto eorum res predictas nobis delegatas nunquam invadent. Nos autem quicquid vel calumniȩ vel justiciȩ in ȩcclesia Sancti
l.13 Marcelli habebamus, totum eis amantissime concessimus, et pro firma concordia regale preceptum et domni Rainerii scriptum, et si quas alias habebamus cartas eis reddidimus.
l.14 Hoc autem actum est in capitulo Sancti Petri Burguliensi in presentia domni Baudrici abbatis, videntibus qui aderant fratribus Fulcherio monacho, Fulcone monacho, Guitberto priore, Hugone scriptore, Girardo elemosinario,
l.15 Andrea, Drogone, Turstano, Gauterio priore Sancti Petri Carnotensi, Guarnerio Burdone, Stephano capicerio, Ramnulfo monacho.
l.16 Pro firma etiam concordia inter utrunque capitulum societatem nostram domnus abbas Christianus per fratres quos ad nos misit Guarnerium scilicet Burdonem et ejusdem aecclesie capicerium Stephanum
l.17 sibi et omni Sancti Maximini congregationi humiliter postulavit, quod et nos amantissime concessimus, et pro domno Christiano abbate sicut de professo nostro, pro monachis autem VII officia
l.18 et VII missas in conventu, et XXX diebus verba mea et voce mea nos facere statuimus.

Ancienne cote : Portef. n° 36.